1 shildeden bastap QR jańa Ákimshilik rásimdik-proestik kodeksi kúshine enedi

1936
Adyrna.kz Telegram

1 shildede kúshine enetin jańa Ákimshilik rásimdik-proestik kodeksi elimizge ne beretini týraly Jetisý media aqparattyq alańynda aıtyldy.

Belgili bolǵandaı, jańa zańnyń normalary ótinishterdi qaraý bóliginde memlekettik organdardyń jumys formatyn ózgertýge arnalǵan. Negizgi maqsaty azamattardyń quqyqtary men zańdy múddelerin qorǵaý bolyp tabylady. Kodeks normalary ótinishti qaraý proesin de, alynǵan jaýapqa shaǵymdaný rásimin de naqty retteıdi. Ótinish boıynsha qabyldanǵan memlekettik organnyń sheshimimen kelispeıtin azamattar sot tártibimen shaǵymdanýǵa quqyly.

Daýlardy mamandandyrylǵan sottar qaraıdy. Qazaqstan Respýblıkasy Prezıdentiniń Jarlyǵymen (2021 jylǵy 26 qańtardaǵy) 21 mamandandyrylǵan aýdanaralyq ákimshilik sot quryldy, onyń ishinde bizdiń oblysta oblys ortalyǵy men Qaskeleń qalasynda ornalasqan 2 sot qurylady. Isti qaraý merzimderi ózgerdi, daýdy sheshý úshin aqylǵa qonymdy, biraq 3 aıdan aspaıtyn merzim bólinedi. Budan basqa, talap qoıýdy qabyldaý jáne qaraý rásimi ońaılatyldy. Sot talap qoıýdy qaıtarýǵa ǵana quqyly. Talap aryzdy qaraýsyz qaldyrý, talap aryzdy qabyldaýdan bas tartý jáne is júrgizýdi toqtatý – kózdelmegen;", - dep atap ótti Almaty oblysy Mamandandyrylǵan aýdanaralyq ekonomıkalyq sotynyń sýdıasy Darhan Toqbaev.

Ákimshilik sot isin júrgizýdegi kelesi negizgi erejeler Ákimshilik kodekste bekitilgen:
5.1. Ákimshilik isterdiń vedomstvolyq baǵynystylyǵy:
Ákimshilik sot isin júrgizý tártibimen jarııa-quqyqtyq qatynastardan týyndaıtyn daýlar sheshiletin bolady.
5.2. Sottyń belsendi róli
Sot ákimshilik proeske qatysýshylardyń túsiniktemelerimen, málimdemelerimen, ótinishhattarymen, olar usynǵan dáleldermen, dáleldemelermen jáne ákimshilik istiń ózge de materıaldarymen shektelmeı, ákimshilik isti durys sheshý úshin mańyzy bar barlyq naqty mán-jaılardy jan-jaqty, tolyq jáne obektıvti zertteıdi.

Sýdıa ákimshilik istiń naqty jáne (nemese) zańdy taraptaryna qatysty quqyqtyq negizder boıynsha óziniń aldyn ala quqyqtyq pikirin aıtýǵa quqyly. Sot óz bastamasy nemese ákimshilik proeske qatysýshylardyń ýájdi ótinishhaty boıynsha qosymsha materıaldar men dáleldemeler jınaıdy, sondaı-aq ákimshilik sot isin júrgizý mindetterin sheshýge baǵyttalǵan ózge de áreketterdi oryndaıdy.",- dep atap ótti spıker.

Jalpy, ákimshilik-aýmaqtyq bólinisti qabyldaý quqyqtyq memleket ıdeıasyna sáıkes memleket pen qoǵam arasyndaǵy qatynastardyń jańa satysyna, zańnyń ústemdigin qamtamasyz etý jónindegi mańyzdy qadamǵa aınalatynyn, sondaı-aq eldiń ınvestıııalyq klımatyna jaǵymdy áser etetinin atap ótemiz.

Pikirler