“Tıinniń ornyna buqa”: Atakentke jańa músin qoıylmaq

1875
Adyrna.kz Telegram

Áleýmettik jelilerde Almatydaǵy «Atakent» aldyna alyp buqanyń músini qoıylatyny týraly vıdeo jarııalandy. Buǵan jeli qoldanýshylary narazylyq bildirip, túrli pikir qaldyrdy. Ákimdik jaǵdaıǵa qatysty túsinik berdi, - dep habarlaıdy Tengrinews.kz.

Vıdeo kadrlarynan buqanyń músini júk kóligi ústinde turǵanyn kórýge bolady. Vıdeoda kólik «Atakent» arkasynyń aldynda tur.

«Tıinniń ornyna basqa músindi ákeldi. Ákimdik aqshany qaıda jumsap jatyr? Buqanyń qola músinine, árıne. Buǵan deıin tıinge, endi buqaǵa jumsap otyr. Buǵan qansha mıllıon aqsha ketti dep oılaısyz? Mine oryny da daıyn», - deıdi vıdeo avtory.

Jeli qoldanýshylary vıdeo avtoryn qoldaǵan jáne músinge qansha aqsha jumsalýy múmkin ekenin aıtyp boljam jasaǵan.

Alaıda Almaty ákimdigi «Atakentke» buqanyń músini ornatylmaǵanyn aıtty.

«Bálkim, kólik burylýǵa toqtaǵan shyǵar», - deıdi ákimdik ókili.

Sonymen qatar, «Atakent» ákimshiligi de aýmaqta jańa músin ornatylmaǵanyn aıtty.

«Arka aldynda buqanyń músini joq. Bizde ondaı aqparat joq», - dedi vedomstvo ókili.

Aıta keteıik, buǵan deıin «Atakentte» tıinniń ınstallıaııasy turǵan bolatyn. Onyń quny - 23 mıllıon teńge ekeni belgili bolǵannan keıin músinge qatysty túrli pikir aıtylyp, almatylyqtar narazy bolǵan edi.

Pikirler