Atyraý «Kúndelik» jýrnalynyń úzdik úshtigine endi

237

Atyraý oblysy elimiz boıynsha «Kundelik.kz» elektrondy jýrnalyn júıeli toltyryp júrgen úzdik úsh óńirdiń qatarynan tabyldy.

Osyǵan oraı, Nur-Sultan qalasynan arnaıy kelgen «Kúndelik» jaýapkershiligi shekteýli seriktestiginiń basshysy Muqtar Ilııasov Atyraý oblysy ákiminiń orynbasary Baqytgúl Hamenovaǵa «Kúmis belgini» tabys etti. Óz kezeginde Baqytgúl Qaıyrjanqyzy bilim sapasyn arttyrý baǵytynda da joǵary kórsetkishterge qol jetkizýge mol múmkindik pen barlyq jaǵdaı jasalyp otyrǵanyn atap ótti.

Aıta keteıik, oblysta 197 mekteptiń 184-i elektrondy jýrnalmen jumys jasaıdy. Úzdikterdi anyqtaý jobasyn jýrnal basshylyǵy bıyl alǵash ret qolǵa alyp otyr. Onyń nátıjesi Atyraý oblystyq bilim berý basqarmasy Ádistemelik ortalyǵynyń áleýmettik jelilerine jarııalanyp, toqsan saıyn úzdikter alǵys hattarǵa ıe boldy.

Budan bólek, Atyraý oblystyq ulttyq daryndy balalarǵa arnalǵan ınternattyq mekemesi bar gımnazııada ótken saltanatty sharada birqatar mektep ustazdary marapattaldy. Atap aıtqanda, sandyq tehnologııalardy paıdalaný arqyly bilim berýdi jetildirýde jyl boıy kósh bastaǵan toǵyz mektep ujymy arnaıy dıplom jáne estelik syılyqtarmen marapattaldy. Bul qatarda Isataı orta mektebi, Mahambet aýdanynan E.Aǵeleýov, Jalǵansaı, Qosaral, Q.Ahmedııarov atyndaǵy, Maqattan L.Shahatov jáne A.Qunanbaev atyndaǵy, Inderden «Kóktem» qazaq mektebi jáne Jyloıdan №4 M.Áýezov atyndaǵy bilim ordasy bar.

Pikirler
Redakııa tańdaýy