Memlekettik rámizder kúnine arnalǵan sharaǵa oblys ákiminiń orynbasary Baqytgúl Hamenova, memlekettik qyzmetkerler, eriktiler, sondaı-aq qala turǵyndary qatysty.
Is-shara óńirdegi týtuǵyr janynda atalyp ótti. Saltanatty sharada Baqytgúl Hamenova oblys ákimi Mahambet Dosmuhambetovtyń quttyqtaýyn jetkizdi.
Elimizdiń basty rámizderi – Tý, Eltańba jáne Gımn Táýelsiz elimizde turatyn halyqtyń birligin, erkindigin, tarıhy men qundylyqtaryn beıneleıdi. Táýelsizdigimizdiń tumaryna aınalǵan memlekettik rámizderimiz bolashaqqa bet túzegen Uly kóshimizdi demep, ıgi isterimizdi qoldaı bergeı! Árdaıym elimiz tynysh, halqymyz aman, týymyzdyń mártebesi bıik bolsyn, – dedi oblys ákiminiń orynbasary.
Is- shara sońynda Tý tuǵyr alańynda patrıottyq ánder shyrqalyp, mereke Jaıyq ózeni boıyndaǵy Tý kótergen kemeler sherýine jalǵasty.
