Bul týraly onlaın-brıfıng barysynda Atyraý oblysy Tótenshe jaǵdaılar departamenti bastyǵynyń orynbasary Asqat Erjanov málimdedi.
- Sýǵa ketý faktileriniń basym bóligi óziniń álin bilmeı, mas kúıde shomylý saldarynan oryn alady. Balalardyń sýǵa ketýi – oınap júrgen ýaqytta nemese ata-ananyń nazarynan tys qalǵanynan oryn alady. Sýǵa ketý faktileriniń qalǵany adamnyń densaýlyǵynyń kúrt nasharlaýy jáne denesiniń qurysyp qalýynan bolyp otyr. Sýǵa túsý maýsymynda ata-analar balalaryn qaraýsyz qaldyrmaýy kerek, – dedi Asqat Erjanov.
Atyraý oblysy Tótenshe jaǵdaılar departamenti sýdaǵy jazataıym oqıǵalardyń aldyn alý úshin, jaǵajaılardaǵy demalys ýaqytynda sýǵa túsý kezinde qaýipsizdik sharalary men erejelerin qatań saqtaýǵa shaqyrady.
