“Basynyń mylja-myljasy shyqqan”: Sýııd jasaǵan sarbazdy rasynda kim óltirdi?

1644
Adyrna.kz Telegram

18 maýsymda Aqtóbede 21 jastaǵy Qolǵanat Áshirov jerlendi. Onyń denesin Oraldan áskerı qyzmetshiler alyp keldi, biraq olar janazaǵa qatyspaǵan dep jazdy kznews.kz.

Sarbazdyń týystarynyń Qolǵanat qyzmet etken 5517 áskerı bólimi qyzmetkerlerine kóptegen suraqtary bar. Jigit áskerge jarty jyl buryn ketken. Otbasymen kún saıyn beınebaılanys arqyly sóılesip turǵan. Jigit birer máselege tap bolǵany týraly múlde aıtpaǵan.

Resmı nusqa boıynsha, qatardaǵy jaýynger kúzet kezinde ózin-ózi atyp tastaǵan. Sarbazdy aýrýhanaǵa jetkizgenshe tiri bolǵan, biraq ony qutqarýǵa múmkindik bolmaǵan.

«Onyń basy tolyǵymen mylja-myljasy shyqqan. Ózin úsh ret atý múmkin emes. Onyń ózi buǵan barmas edi. Aınaladaǵylardyń bári: sýııd, sýııd deıdi. Biraq men senbeımin»deıdi qaıtys bolǵan jigittiń anasy Gúlshat Jubatqonova.

Bul oqıǵa týraly aıtqan qoǵam qaıratkeri Murat Telibekov qorǵanys mınıstri Nurlan Ermekbaevtyń pozıııasyn synǵa aldy.

«Men mınıstr Ermekbaev ár sarbazdy qadaǵalaı almaıtynyn túsinemin. Biraq qylmysqa baılanysty qatań sharalar qabyldaý onyń quzyretinde bar ǵoı», – dep atap ótti qoǵam qaıratkeri.

Sonymen birge qoǵam qaıratkeri qorǵanys mınıstri qyzmetine qatal adam kerek ekenin basa aıtty.

«Nege mınıstr soldat qaza tapqan áskerı bólimge barmaıdy? Mınıstrdiń qatelikteri úshin keshirýge bolady. Biraq nemquraıdylyqty keshirý múmkin emes», – dep qosty Telıbekov myrza.

Pikirler