Jelidegi aqparat: Karantın qatańdaı ma?

757

WhatsApp messendjerinde «Habar» telearnasynyń jańalyqtar shyǵarylymynan úzindi taralyp jatyr. Júrgizýshiler 20 jáne 21 maýsymda elde karantındik sharalar kúsheıtiletinin, iri saýda úıleriniń jumysyna jáne qalalyq kólik qozǵalysyna tyıym salynatynyn málimdegen, dep habarlaıdy Stopfake.kz.

Shyn máninde, bul sıýjet byltyr jaz mezgilinde 18 maýsymda jarııalanǵan.

Rolıkte aıtylǵan aqparat búginde ózekti emes. Eldegi epıdemıologııalyq jaǵdaı jaqsaryp kele jatqandyqtan, aldaǵy ýaqytta karantın sharalaryn qatańdatý josparlanbaǵan.

«Qazaqstandaǵy jaǵdaı turaqty jáne búginde karantın sharalaryn qatańdatý máseleleri kóterilgen joq», - dedi sanıtarlyq-epıdemıologııalyq baqylaý komıtetiniń resmı ókili Erjan Baıtanaev.

Búginde KVI syrqattanýshylyq deńgeıi boıynsha Nur-Sultan qalasy ǵana «qyzyl aımaqta» tur. Atyraý, Batys Qazaqstan jáne Qaraǵandy oblystary «sary» aımaqta. Qalǵan óńirler «jasyl» aımaqta.

"Adyrna" ulttyq portaly

Pikirler
Redakııa tańdaýy