Túrkistan oblysynda kanaldan 6 jasar balanyń máıiti tabyldy, dep habarlaıdy «Adyrna» tilshisi otyrar.kz-ke silteme jasap.
Qaıǵyly oqıǵa Keles aýdany Abaı aýylynda oryn alǵan. Búldirshin 13-shi maýsym kúni keshqurym ýaqytta belgisiz jaǵdaıda joǵalyp ketken.
Kýágerler 2015 jyly týǵan balany sońǵy ret kanal mańynda oınap júrgende kórgen eken. 3 kúnge sozylǵan izdeý nátıjesinde qutqarýshylar balanyń denesin Oshaqty kanalynan taýyp, máıitti sýdan shyǵardy.
«Aýdandyq tótenshe jaǵdaı bólimine habarlasyp, arnaıy sýdan qutqarý jasaǵy shaqyrtylǵan. 15 maýsym kúni tańǵy saǵat 9:45-te balanyń denesi tabylyp, sýdan shyǵarylǵan. Búgingi tańda oryn alyp jatqan jaǵdaılardyń negizgi sebepteri – ruqsat etilmegen jerlerde shomylý jáne balalardyń ata-ananyń qaraýynsyz qalýy»,— dedi Túrkistan oblystyq TJD Azamattyq qorǵanys basqarmasynyń bastyǵy Qanat Qarabalaev.
«Adyrna» ulttyq portaly
