Búgin, 16 maýsymda Prezıdent Qasym-Jomart Toqaev Islam yntymaqtastyǵy uıymynyń (IYU) ǵylym jáne tehnologııa jónindegi ekinshi sammıtine beınebaılanys arqyly qatysady. Bul týraly prezıdenttiń baspasóz hatshysy Berik Ýálı habarlady.
«Ǵylym, tehnologııa jáne ınnovaııa: jańa belesterge jol ashý» atty taqyryp boıynsha ótetin vırtýaldy sammıtke Birikken Arab Ámirlikteri tóraǵalyq etedi.
Jıynda ǵylym, tehnologııa jáne ınnovaııa salalaryndaǵy ózara yqpaldastyq máseleleri, sondaı-aq, 2026 jylǵa deıingi atalǵan baǵyttardaǵy IYU baǵdarlamasynyń júzege asyrylý barysy talqylanbaq.
Jalpy IYU-nyń ǵylym jáne tehnologııa jónindegi sammıti Qazaqstannyń bastamasymen ótip keledi. Alǵashqy sammıt 2017 jyldyń qyrkúıek aıynda elordada ótken bolatyn»,– dedi B.Ýálı.
Búgingi is-shara Nur-Sultan qalasynyń ýaqyty boıynsha saǵat 15:00-de bastalady dep josparlanǵan. Sammıttiń tikeleı kórsetilimin myna silteme boıynsha kórýge bolady.
«Adyrna» ulttyq portaly
