Qazaqstannyń burynǵy densaýlyq saqtaý mınıstri Eljan Birtanovtyń advokaty Dmıtrıı Kýrıachenko sottan Qazaqstan prezıdenti Qasym-Jomart Toqaevty iske kýáger retinde shaqyrtýdy surady, dep habarlaıdy «Adyrna» ulttyq portaly Sputnik Qazaqstan saıtyna silteme jasap.
«Qazaqstanda tergeý organdary álemge tanymal Ericsson Nikola Tesla kompanııasy jumys istemeıtin 17 mıllıon teńgeniń platformasyn jetkizdi dep sanaıdy. Alaıda tergeý ony ózi buǵattap tastady. Osyny rastaý úshin, qurmetti sot, el prezıdenti Qasym-Jomart Toqaevty kýáger retinde shaqyrtýdy suraımyn. Ol rastap qana qoımaı, tikeleı ózine baǵynatyn tergeý organy - qarjylyq monıtorıng agenttiginiń ótirigine kýá bola alady», – dedi advokat.
Búgin Nur-Sultan qalasynyń mamandandyrylǵan aýdanaralyq tergeý soty burynǵy densaýlyq saqtaý mınıstri Eljan Birtanovtyń úı qamaqqa alý merzimin uzartý týraly máselesin qarastyrdy.
"Adyrna" ulttyq portaly
