Bılım jäne ǧylym ministrı Ashat Aimaǧambetov balalardyŋ qūqyqtaryn qorǧau jönındegı balalar ökılderımen kezdeskenı turaly jazdy, dep habarlaidy «Adyrna» tılşısı.
«Nūr-Sūltan qalasyndaǧy mektep oquşylarymen dästürlı formatta, al jiynǧa basqa öŋırlerden qatysqan oquşylarmen onlain formatta äŋgımelestık. Jasyna qaramastan, jetkınşekter qoiǧan sūraqtardyŋ män-mazmūny menı taŋqaldyrǧanyn atap ötkım keledı. Bırı ǧalymdardyŋ eŋbegı qanşalyqty baǧalanady, ǧylymnyŋ qai baǧyttaryn taŋdaǧan dūrys dep sūrasa, endı bırı zamanui tehnologiialar balalardyŋ kündelıktı ömırınde tamyryn tereŋ jaiyp bara jatqanyna alaŋdauly. Sondai-aq oquşylardyŋ oquǧa degen qyzyǧuşylyǧyn arttyru boiynşa ideialar da talqylandy»,– dedı ol.Ministr oquşylarmen kezdesu barysynda osydan bır jyl būryn mektepterde balalar ökıldıkterın qūru jönındegı şeşımınıŋ dūrys bolǧanyna köz jetkızgenın atap öttı.
«Men öz tarapymnan kıtaphanalar jaŋa formatta jūmys ıstep, balalardyŋ süiıktı ornyna ainaluy turaly aittym. Kovorking ortalyqtarynda jas jetkınşekter bas qosyp, bırge kıtap oqyp, oqyǧandaryn özara talqylap, pıkırtalasqa tüse alady. Sonymen bırge körkem ädebiettı memlekettık tılde oqu mäselesıne nazarlaryn audardym. Talqylanǧan taǧy bır ūsynys – balalar men mūǧalımderge mekteptegı qarjylyq prosesterge qatysuǧa mümkındık beru. Iаǧni, olar mektep biudjetınıŋ belgılı bır bölıgın, tıptı asa köp bölıgı bolmasa da, mekteptı jaqsartu üşın qajet jäne maŋyzdy dep sanaityn baǧyttarǧa jūmsau boiynşa şeşım qabyldau räsımıne qatystyru. Mūndai bırlesken şeşımder pedagogter men oquşylar arasyndaǧy bailanysty nyǧaityp, balalardyŋ oquǧa degen qyzyǧuşylyǧyn arttyrady dep aityldy. Osy siiaqty bırneşe maŋyzdy bastamalardy talqyladyq. Synyptastarynyŋ müddelerın qorǧap jürgen mektep oquşylary bügıngı kezdesuden keiın de belsendı ärı jaŋaşyl bolyp qala beredı dep senemın»,– dep sözın qorytyndylady Aimaǧambetov.
«Adyrna» ūlttyq portaly
