Taýda adasyp ketken túrkistandyqtar qutqaryldy

2935
Adyrna.kz Telegram

Qutqarýshylar Túrkistan oblysy Birkólik taýynda adasyp ketken úsh týrıstti evakýaııalady, dep habarlaıdy «Adyrna» tilshisi oblystyq TJD baspasóz qyzmetine silteme jasap.

Jigitterdiń adasqandary týraly habarlama aǵymdaǵy jyldyń 6 maýsym kúni túsken. Olar Birkólik shatqaly baǵytyndaǵy sarqyramaǵa barmaqshy bolǵan.

Qutqarýshylar tikushaqpen izdeý jumystaryn júrgizgen. Nátıjesinde saǵat 17:25-te zardap shekkender tabylyp, qutqaryldy.

«Saǵat 16:33-te zardap shekkenderdi qutqarý úshin jedel shtabtan Tótenshe jaǵdaılar mınıstrliginiń "Qazavıaspas" AQ Mi-8AMT UP-MI871 ushaǵy jáne Túrkistan obylysy Tótenshe jaǵdaılar departamenti basshysynyń orynbasary, podpolkovnık E. Sarybaev, jedel qutqarý jasaǵynan 6 qutqarýshy jiberilgen. 17:25-te tikushaqpen izdeý jumystary kezinde úsh adam tabylyp, qutqaryldy. Keshki saǵat 17:55-te qutqarylǵan adamdar Shymkent qalasynyń áýejaıyna jetkizildi,"— dep jazdy baspasóz qyzmeti.

«Adyrna» ulttyq portaly

Pikirler