Iemendik hýsıtter nemese resmı túrde "Ansar Allah" toby el aımaǵyndaǵy Saýd Arabııasynyń áskerı kúshterine soqqy jasap, qarsy shabýylǵa shyqty. Bul týraly batystyq BAQ-tar jazýda. Saýdııalyq kúshterge qarsy shabýyl barysynda hýsıtter aıtarlyqtaı jetistikke jetken.
Djızan aımaǵyndaǵy urystyń vıdeosyn hýsıtter arnaıy jarııalady. Urysty olar arnaıy drondar arqyly da túsirgen. Urys barysy túsirilgen vıdeolar men onyń skrınshottary áleýmettik jelide keńinen taralyp jatyr. Qarymta soqqy jasaý negizinde hýsıtter Iemenniń 150 sharshy shaqyrymyn Saýd Arabııasynyń áskerinen azat etken. 40-tan astam áskerı beketterdi basyp alyp, 60 áskerı tehnıkanyń kózin joıǵan. Saýd Arabııasynyń kúshteri 200-den astam sarbazynan aıyrylǵan.
Iemendegi azamat soǵysy 2014 jyly bastalyp, áli jalǵasyp jatyr. Saýd Arabııasy bastaǵan 10 eldiń koalıııasy Iemendegi hýsıtterge qarsy operaııa bastaǵanymen aıtarlyqtaı jetistikke jetpedi. Sońǵy ýaqytta hýsıtter Saýd Arabııasyna qarymta soqqy jasap, munaı oryndary men áskerı nysandaryna zymyran jáne drondarmen soqqy jasaýda.
"Adyrna" ulttyq portaly
