BUU Balalar qorynyń (IýNISEF) Qazaqstandaǵy ókili Artýr van Dızen úkimet otyrysynda qyrkúıek aıynda barlyq oqýshynyń mektepke baryp oqýy kerektigin aıtty, dep habarlaıdy «Adyrna» ulttyq portaly.
«IýNISEF sanıtarlyq-epıdemıologııalyq talaptardy saqtaı otyryp, jańa oqý jylynda búkil mektepti ashýǵa keńes beredi. Mektepter eń sońǵy bolyp jabylyp, eń birinshi bolyp ashylýy tıis. Pandemııa kezinde mektepterdiń jabylýy saldarynan álemde árbir úshinshi oqýshy nemese 463 mıllıon bala qashyqtan bilim ala almady. Olardyń qatarynda qazaqstandyq oqýshylar da bar», - dedi ol.
Dızen bilim mınıstrliginiń osy saldardy joıý úshin shuǵyl shara qabyldaý qajettigin moıyndaǵanyn aıtyp ótti.
"Adyrna" ulttyq portaly
