Phenıan Vashıngtonnyń Seýlge ballıstıkalyq zymyrandardy damytý boıynsha serpin berip otyrǵanyn aıyptap, bul proesti tezdetip toqtatýdy talap etti. Bul AQSh-tyń Soltústik Koreıaǵa tikeleı jasap otyrǵan jaýlyǵy men shabýyly dep málimdedi Soltústik Koreıa bıligi.
Al, Ońtústik Koreıa tarapy bolsa, "Koreı túbeginiń áýe qorǵanysy men teńiz qorǵanysy kimniń qolyna ótetinin ári túbektiń shyn mánindegi qojaıyny kim ekenin jaqynda kórersiń" degen syńaı tanytyp otyr.
Soltústik Koreıa bıligi AQSh-tyń Ońtústik Koreıada ballıstıkalyq zymyrandardy qorektendirip, óziniń konforntaııasyn iske asyryp, Soltústik Koreıanyń ulttyq qaýipsizdigine tikeleı qaýip tóndirip, BUU-nyń rezolıýııasyn buzyp otyr dep aıyptap otyr. KHDR bıligi AQSh-tyń bul geosaıası qadamy Koreı túbeginde soǵystyń otyn tutatyp, túbinde alasapyranǵa alyp barýy múmkin dep málimdedi.
Buǵan deıin AQSh prezıdenti Djo Baıden men Ońtústik Koreıa lıderi Mýn Chje In Ońtústik Koreıanyń ballıstıkalyq zymyrandaryn damytý proesi boıynsha jasalǵan kelisimdi toqtatýǵa kelisken bolatyn.
AQSh pen Ońtústik Koreıa arasynda 2012 jyldan bastap 300-den 800 shaqyrymǵa deıin ushatyn ballıstıkalyq zymyrandardy birlese otyryp damytý boıynsha kelisim shart bolǵan. Qazirgi ýaqytta bul kelisim shart boıynsha eki el arasyndaǵy zymyrandardy shyǵarý kólemi men ony ushyrý qashyqtyǵy kózdegen mejeden asyp ketken. Bul proess Soltústik Koreıa bıligin alańdatyp otyr.
Bekbolat QARJAN,
"Adyrna" ulttyq portaly
