Hanqorǵan qalashyǵy aspan astyndaǵy mýzeıge aınalmaq

987

Ońtústik Qazaqstan oblysyndaǵy Hanqorǵan qalashyǵy aldaǵy ýaqytta tolyq arheologııalyq qazba, restavraııa jáne konservaııa jumystary júrgizilip, ashyq aspan astyndaǵy mýzeıge aınalatyn bolady. Búgin bul týraly Saıram aýdanyndaǵy Hanqorǵan qalashyǵynda Ońtústiktegi arheologııalyq tarıhı eskertkishterdi qalpyna keltirý boıynsha ótken alqaly jıynda Ońtústik Qazaqstan oblysynyń ákimi Janseıit Túımebaev málim etti.

Janseıit Qanseıituly júrgizip otyrǵan májiliske oblysymyzdaǵy tıisti basqarma basshylary, mamandar men bir top arheolog-ǵalymdar qatysty. Jıynnyń maqsaty – Elbasynyń «Bolashaqqa baǵdar: rýhanı jańǵyrý» maqalasyndaǵy «Qazaqstannyń kıeli jerleri» jobasy boıynsha arheologııalyq tarıhı oryndardy damytýdy naqtylap, pysyqtap alý.

Ońtústik Qazaqstan oblysynda elimizdiń tarıhy men mádenıeti úshin aıryqsha mańyzy bar sáýlet jáne arheologııa eskertkishteriniń úlken shoǵyry ornalasqan. Tarıhymyzdy túgendep, tamyrymyzdy tanyp, bilýde halyqtyń ótken tarıhynan naqty maǵlumat beretin arheologııa eskertkishteriniń alar orny da erekshe.

– Búgin «Hanqorǵan» qalashyǵyn aralap kórip, Elbasynyń «Bolashaqqa baǵdar: rýhanı jańǵyrý» maqalasyn oblysymyzda júzege asyrý maqsatynda jınalyp otyrmyz.  Oblysymyzda esepke alynǵan tarıh pen mádenıet úshin mańyzy zor 1281 tarıhı-mádenı mura eskertkishteri bar. Onyń ishinde sáýlettik eskertkishter 218, arheologııa eskertkishteriniń sany 1063-ti quraıdy. Osy tarıhı oryndarymyzǵa kezeń-kezeńimen arheologııalyq zertteý jumystaryn júrgizip, qalpyna keltiriýimiz qajet, – dedi oblys ákimi.

Oblysymyzda týrızm salasyn damytý maqsatynda jergilikti óńirler boıynsha tarıhı oryndardy qalpyna keltirý úshin arnaıy baǵdarlama daıyndalyp, kezeń-kezeńimen iske asyrylatyn bolady.  Birinshi kezekte Qazyǵurt, Ordabasy taýlaryn, ortaǵasyrlyq Otyrar, Oqsyz, Saýran, Sıdaq, Mártóbe, Hanqorǵan qalashyqtary, Jýantóbe, Qaraspan, Kúltóbe sııaqty ejelgi eldi mekenderine arheologııalyq zertteý jumystaryn júrgizip, qalpyna keltiriý jumystary bastalmaq. Sonymen qatar, búginde joıylyp ketken arheologııa jáne sáýlet eskertkishterine jatatyn Qoshqar ata, Kerýen saraı, Sozaq aýdanyndaǵy Júsipbek, Jákel datqa kesenelerin jáne taǵy basqa da tarıhı nysandardy da qalpyna keltirý jumystaryn júrgizilmek.

Alqaly jıynda Á. Marǵulan atyndaǵy arheologııa ınstıtýtynyń dırektory, tarıh ǵylymdarynyń doktory, akademık Baýyrjan Baıtanaev Hanqorǵan qalashyǵyna arheologııalyq qazba jumystaryn júrgizý týraly baıandama jasady.

Munan soń sóz alǵan «Sáýlet bıýro» KMM-niń dırektory Baqytjan Áshirbaev oblysymyzdaǵy arheologııalyq tarıhı oryndardy qalpyna keltirý, abattandyrý týraly sóz qozǵady.

Jıynda Túrkistan qalasyndaǵy arheologııalyq eskertkishterdiń jaı-kúıi de talqylandy. Bul týraly «Áziret Sultan» memlekettik tarıhı-mádenı qoryq-mýzeıiniń arheologııa bóliminiń meńgerýshisi Marat Tuıaqbaev baıandap berdi.

Jıyndy qorytqan oblys ákimi óńirimizdegi tarıhı eskertkishterdi qalpyna keltirý jóninde sala basshylaryna naqty tapsyrmalar júktedi.

 


OQO ákiminiń baspasóz qyzmeti

Pikirler