Belarustıŋ BŪŪ janyndaǧy tūraqty ökıldıgı Estoniia, Fransiia, İrlandiia, Norvegiia, Ūlybritaniia, AQŞ, Belgiia jäne Germaniia missiialaryna Ryanair reisındegı oqiǧa turaly mälımdeme jasaǧannan keiın narazylyq notasyn jıberdı. Būl turaly BŪŪ janyndaǧy Belarus tūraqty ökılı Valentin Rybakov mälımdedı dep habarlaidy «Adyrna» ūlttyq portaly Tengrinews.kz-ke sılteme jasap.
Särsenbıden bastap Fransiia, İrlandiia jäne Estoniia BŪŪ Qauıpsızdık keŋesınde Minskıge ūşaqtyŋ qonuy turaly jaǧdaidy jabyq talqylaudy bastaǧan. Onyŋ qorytyndysy boiynşa Estoniia, Fransiia, İrlandiia, Norvegiia, Ūlybritaniia, AQŞ, Belgiia jäne Germaniia mälımdeme jasady. Onda olar Ryanair reisı jalǧan sebeptermen qonuǧa mäjbür boldy dep mälımdedı. Sonymen qatar, olar ūstalǧan Roman Protasevich pen Sofiia Sapegany bosatudy talap ettı jäne Minskıge "öz äreketterı üşın jauap beruge" küş saluǧa uäde berdı. Europa elderı men AQŞ-tyŋ aituynşa, Minskınıŋ äreketı "Halyqaralyq azamattyq aviasiia men Europa qauıpsızdıgıne soqqy jäne halyqaralyq qūqyqty elemeu".
"Bız oǧan jauap berdık. Bızdı şaqyrǧan joq, bıraq nätijelerı turaly bılemız. Qauıpsızdık keŋesınıŋ osy jabyq kezdesuı aiaqtalǧannan keiın segız memleket ökılderı jasaǧan mälımdeme turaly bılemız", - dedı Rybakov.Ol būl mälımdemenı jasaǧan barlyq segız memlekettıŋ mekenjaiyna bırdei mazmūndaǧy narazylyq notasy jıberılgenın aitty.
"Onda bız tiıstı tergeu jürgızılıp, tiıstı nätijeler alynǧanǧa deiın osy oqiǧanyŋ kez kelgen pıkırlerı men kez kelgen baǧalaryn jariialau BŪŪ-ǧa müşe memleketterdıŋ egemendık teŋdıgın būzudyŋ aiqyn mysaly ekenın aittyq", - dedı tūraqty ökıl.Onyŋ aituynşa, mūndai tergeulerdı jürgızuge qūqyǧy bar qūzyrettı qūrylymdar (bırınşı kezekte İKAO) resmi tergeu jürgızgenge deiın kez kelgen mälımdeme jasauǧa rūqsat etılmeidı.
«Adyrna» ūlttyq portaly.
Ūqsas jaŋalyqtar
