Mańǵystaý oblysynda munaıshylar narazylyqqa shyqty. «Munaıtelekom» kompanııasyna qyzmet kórsetetin seriktestik jumysshylary jalaqysyn kóterýdi talap etip otyr, dep habarlaıdy «Adyrna» ulttyq portaly KTK arnasyna silteme jasap.
«Qalamqas» ken orny «Munaıtelekom» aýtstaffıng. Aılyq kóterýin talap etemiz! Zańda bar zat...
Jetibaı, Jańaózen, Qalamqas ken ornynda jumys isteıtin «Munaıtelekom» seriktestiginiń 100-den asa qyzmetkeri eki kúnnen beri jumysyn toqtatyp tastady. «Jalaqy kóbeıtilmese, qımyldamaımyz» dep otyr. «Munaıtelekom» kompanııasynda shtatta jumys isteıtin qarapaıym qyzmetkerler 500 myń teńge jalaqy alady eken. «Al dál sondaı jumys isteıtin bizge nebári 120 myń teńge tólenedi» deıdi. Tipti sáýir aıynda kompanııa basshylyǵy aılyqty kótermeý úshin qıturlyq jasap slesar, ınjener mamandyqtarynyń ataýyn jóndeýshi, retteýshi qylyp ózgertip jibergen kórinedi. «Narazylyq bildirseńder, jumystan shyǵaramyz» dep qorqytypty. Al eńbek ınspekııasy jaǵdaıdy tolyq zertteý úshin jumysshylardyń aryzy qajet dep otyr.
«Eńbek ınspektorlary «Qalamqas» ken ornyna baryp QR Eńbek kodeksiniń zań talaptaryna saı túsindirý júrgizdi. Talaptardy oryndaý maqstatynda aryz jazý kerek ekeni túsindirildi. Eger aryz jazylsa, másele zań aıasynda bizdiń basqarmamen qaralady», - deıdi Mańǵystaý oblysy memlekettik eńbek ınspekııasy basqarmasynyń bólim basshysy Mereı Májıtov.
"Adyrna" ulttyq portaly
