Bıyl 1 qyrkúıekten 30 qazanǵa deıingi aralyqta sanaq.gov.kz. arnaıy saıtynda onlaın rejıminde halyq sanaǵy júrgiziledi dep habarlaıdy «Adyrna» ulttyq portalynyń tilshisi QR Strategııalyq josparlaý jáne reformalar agenttigi Ulttyq statıstıka bıýrosyna silteme jasap.
Atalǵan júıe táýligine 24 saǵat boıy qoljetimdi bolady. Kez kelgen adam sanaqqa qatysý úshin ózine yńǵaıly kez-kelgen ýaqytty tańdaı alady, sondaı-aq saıtta blankty toltyrýdy toqtatý jáne ony toltyrýdy keıin qaıta jalǵastyrý múmkindigi bolady.
Sonymen qatar egov.kz elektrondy úkimet platformasynda sanaq.gov.kz saıtynyń qosymsha paraǵy ornalastyrylady, ol arqyly elektrondy ıfrly qoltańbany (EQ) qoldanyp, sanaqqa qatysýǵa bolady.
Mobıldi azamattar úshin «Aitu» mobıldi qosymshasy arqyly ulttyq sanaqqa qatysý múmkindigi usynylatyn bolady.
Ulttyq sanaq 1 qyrkúıekten 30 qazanǵa deıingi kezeń aralyǵynda ótedi. Oǵan onlaın rejımde de, sondaı-aq, dástúrli tásil arqyly da qatysýǵa bolady. Bıylǵy halyq sanaǵynyń urany — «Qazaqstanda árkim mańyzdy! V Kazahstane kajdyı vajen!».
Ulttyq sanaq kezinde «1446» biryńǵaı call-ortalyǵy jumys jasaıdy.
«1446» eldiń barlyq aýmaǵyndaǵy mobıldi jáne staıonar telefondar úshin biryńǵaı nómir bolady. Sondaı-aq 8 8000 800 878 nómiri de jumys jasaıtyn bolady. Sall-ortalyqqa qońyraý shalý tegin.
Sondaı-aq bıyl ulttyq sanaq júrgizý jumystaryna 32 myńnan astam adam jumyldyrylady. Qazirgi ýaqytta 17 aımaqtan jalpy sany 85 adamnan turatyn ulttyq sanaqty daıyndaý jáne ótkizý jónindegi shtattan tys bólimder qurylǵan. Barlyq qyzmetkerlermen eńbek kelisimsharty jasalyp, dárejelerine baılanysty 65-105 myń teńge aralyǵynda aılyq eńbekaqy belgilengen. Bul bólimder óz aımaqtary boıynsha sanaqqa daıyndyq jáne ony ótkizý boıynsha uıymdastyrý jumystaryn júrgizedi.
«Adyrna» ulttyq portaly.
