(Qyshqyl satıra)
Siz ant bere alasyz ba? «Qant ber!» dep jatqan joqpyn, Gıppokrat anty sııaqty kádimgi ant...
Jas kelinniń anty:
–Erkek sııaqty nasybaı atpaýǵa, túske deıin uıyqtap jatpaýǵa, ne bolsa sony toılamaýǵa, burynǵy jigitterimdi oılamaýǵa, tortty jaqsy kórem, keskilep, «pyshaqtaýǵa», kúıeýimdi jaqsy kórem, aımalap, qushaqtaýǵa, kórshiler tuz, un surasa, bere salam, qurbylarym "vaappen" ósek aıtýǵa shaqyrsa, kele salam, aldymda mysyq jatsa, tebe salam, kirimdi kúnde jýýǵa, qudaı buıyrtsa, egizdetip týýǵa ant etemin!
Qaıyrshynyń anty:
–Taza kıim kımeýge, ólimge basymdy ımeýge, «mýsordan» ony-muny jemeýge, «Barlyq elderdiń qaıyrshylary, birigińder!» demeýge, shashymdy taramaýǵa, sary maı jalamaýǵa, halyq arqasynda baıyp ketkenderge kúlmeýge, ómirime qapa bolyp, ıt sııaqty úrmeýge, munaıymdy jalamaýǵa, altynyma qaramaýǵa, ýranymnyń aqshasyn sanamaýǵa, jyn-shaıtanǵa jolamaýǵa, el baılyǵyn tonamaýǵa ant etemin!
Ákimniń anty:
–Búginnen bastap, osy ornymnan túspeýge, toıshyl bolyp, konıak, vıskı ishpeýge, kisi kóńilin jaralamaýǵa, kadr bitkendi qýǵyndap, rýǵa bólip alalamaýǵa, Astanadaǵy «kryshama» bara bermeýge, jer bitkendi ózime, týysyma ala bermeýge, ustalyp qalsam, fınpolǵa: «má, má!» dep para bermeýge ant etemin!
Al siz she? Siz qalaı ant berer ekensiz?
Muhtar ShERIM
