Abaıdyń «Jıdebaı-Bórili» memlekettik qoryq-mýzeıi taǵy da bir qundy jádigermen tolyqty, dep habarlaıdy kazmuseum.kz saıty mýzeı ákimshiligine silteme jasap.
Abaı aýdanynyń týmasy, zeınetker A.Dolanbekov Abaıdyń ekinshi áıeli Áıgerimniń qobdıshasyn mýzeı qoryna tapsyrdy. Qobdıshany kezinde Áıgerim Bátet Ázimhanqyzyna syılaǵan. Syılyqtyń ıesi Bátet – rýy Jigitek, Bójeı urpaǵy.
Aıdar Kenjetileýulynyń aıtýy boıynsha, Bátet Ázimhanqyzy Yrǵyzbaı aýylyna kelin bolyp túsedi. Burynǵynyń salty boıynsha, aǵaıyn-týys kezektesip, esik kórsetý úshin jas kelindi qonaqqa shaqyryp otyrǵan. Sonda Áıgerim kelin bolyp túsken Bátetti óz úıinen dám tatyryp, sońynda osy qobdıshany syıǵa tartqan. Onysy – «qýys úıden qur shyqpasyn», ıgilikke bastaǵan yrym bolsyn degeni.
A.Kenjetileýulynyń anasy Aqlııa – Bátet Ázimhanqyzynyń týǵan sińilisi. 1967 jyly Bátet apamyz qobdıshany A.Kenjetileýulynyń áıeli Baqytqa bergen. Mine, osylaısha, A.Kenjetileýuly Áıgerim syıǵa tartqan qobdıshany endi mýzeı qoryna tapsyrdy.
Kóneniń kózi bolǵan qobdısha, arnaıy qalpyna keltirý jumystarynan keıin, mýzeı ekspozıııasyna qoıylyp, kórermen nazaryna usynylady.
KAZMUSEUM.KZ
