Almatyda taǵy bir emhana vakınalaý pasportyn saýdaǵa saldy degen kúdikke ilindi, dep habarlaıdy «Adyrna» ulttyq portaly KTK arnasyna silteme jasap.
Almatydaǵy №4 emhanada vakınalaý tólqujaty saýdalanyp jatyr degen aqparat áleýmettik jelilerde tarady. Bul qaǵazdarda sol qyzmetkerler óz áreketine túsinik bergen. Iaǵnı dárigerler kelýshilerge ekpe salmasa da, tólqujat jasap bergenin moıyndaıdy. Biri jalǵan qujatty 15 adamǵa daıyndap berip, árqasysynan 15 myń teńgeden alǵan. Indetti jeńýdiń jalǵyz jolyn bızneske aınaldyrǵandar týraly qoǵamdyq densaýlyq basqarmasyna da turǵyndardan shaǵym túsipti.
«Bur áreketke barǵan medıınalyq qyzmetkerler óz erkimen jumystan shyqty. Qazir is boıynsha materıaldar quqyq qorǵaý organdaryna jiberildi. Tergeý qorytyndysyna sáıkes, kúdiktiler tıisti jazaǵa tartylady», - deıdi Almaty qalasy qoǵamdyq densaýlyq basqarmasy quqyqtyq jumystar bóliminiń basshysy Maqpal Seralınova.
Vakınalaý pasportyn tabys kózine aınaldyrǵandar Nur-Sultan qalasynda da bar. Mundaǵy saýda-oıyn saýyq ortalyqtarynyń birinde ekpe salyp júrgen dárigerler osyndaı kúdikke ilindi. Olar kelgen adamdardy vakına alý týraly raıynan aınytqan. Esesine, 5 myń teńgege zańsyz pasport jasap berýdi usynypty.
«Bizge zańsyz pasport jasap berýdi usynatyn dárigerler týraly shaǵymdanatyndar kóp. Sondaı turǵyndardyń biri Asia park saýda-oıyn saýyq keshenine vakına alýǵa barǵan. Mamandar ony bazaǵa ekpe alǵan dep engizýdi, al is júzinde vakınany saldyrmaýdy usynǵan. Qaraǵandy men Shymkentten de osyndaı shaǵym kelip tústi. Mundaı máseleniń týyndaýyna keı mekemelerdiń qyzmetkerlerin ekpe alýǵa mindetteýi sebep dep oılaımyn», - deıdi medıına ǵylymdarynyń doktory Botagóz Káýkenova.
Osydan keıin Nur-Sultan qalasynyń qoǵamdyq densaýlyq basqarmasy tekseris júrgizgenimen, «vakınalaý pasportyn satý deregi anyqtalǵan joq» dep, isti jyly japty.
Buǵan deıin Almatydaǵy №21 emhanada da osyndaı shý shyqqan bolatyn. Bul derekke qatysty polıeıler áli tergeý júrgizip jatyr.
«Sezikti retinde eki azamat, eki medıınalyq mekemeniń qyzmetkeri tanyldy. Qazir olardyń is-áreketine quqyqtyq baǵa beriledi. Sodan soń zańnama aıasynda sheshim qabyldanady», - deıdi Almaty qalasy PD resmı ókili Saltanat Ázirbek.
Jalǵan qujat daıyndap satý – qylmys. Mundaı zań buzýshylyqqa barǵandardyń 4 jylǵa deıin bas bostandyǵynan aıyrylýy múmkin. Zańsyz qujatty qoldanǵandarǵa da qylmystyq jaýapkershilik qarastyrylǵan.
"Adyrna" ulttyq portaly
