Palata Spıkeri Nurlan Nyǵmatýlınniń tóraǵalyǵymen ótken QR Parlamenti Májilisiniń plenarlyq otyrysynda depýtattar " 1994 jylǵy 10 jeltoqsandaǵy Qazaqstan Respýblıkasynyń Úkimeti men Reseı Federaııasynyń Úkimeti arasyndaǵy "Baıqońyr "keshenin jalǵa berý shartyna ózgeris engizý týraly hattamany ratıfıkaııalaý týraly" zań jobasyn qabyldady, dep habarlaıdy «Adyrna» tilshisi zakon.kz-ke silteme jasap.
Jıyn barysynda ıfrlyq damý, ınnovaııalar jáne aeroǵarysh ónerkásibi mınıstri Baǵdat Mýsın Reseı Federaııasynyń "Baıqońyr" keshenin 20 jyldan astam ýaqyt boıy jalǵa alyp kele jatqanyn aıtty.
«Jalǵa berý týraly sheshim 1994 jyly elimiz aýyr ekonomıkalyq jaǵdaıda ǵarysh aılaǵyn kútip-ustaýǵa jáne paıdalanýǵa múmkindigi bolmaǵan kezde qabyldandy. Jasalǵan kelisimge sáıkes, Reseı Baıqońyr qalasyn jáne ǵarysh aılaǵyn óziniń ǵaryshtyq baǵdarlamalaryn oryndaý úshin paıdalaný quqyǵy men kútip-ustaý mindettemesin aldy. Ol 10 jylǵa uzartý múmkindigimen RF-ǵa 20 jylǵa jalǵa berildi. Budan bólek "Baıqońyr" kesheni jumysynyń túrli máselelerin retteıtin 70 - ke jýyq halyqaralyq shartqa qol qoıyldy", - dep naqtylady vedomstvo basshysy.
Mýsın jyl saıyn respýblıkalyq bıýdjetke keshendi paıdalanǵany úshin 115 mln AQSh dollary somasynda jaldaý aqysy túsetinin habarlady. Májilistiń beıindi komıtetiniń qorytyndysynda túsindirilgendeı, kelisimniń 4-babyna (Jaldaý merzimi) ózgerister engizý kózdelip otyr.
«Adyrna» ulttyq portaly
