Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Esmaǵabetova oqýshylar qaı kezde mektepke oralatynyn aıtty, dep habarlaıdy Sputnik Qazaqstan saıty.
"Qazir bizde aıtarlyqtaı qýatty qarý – vakına paıda boldy. Sol sebepti eger jańa oqý jylyna deıin ujymdyq ımmýnıtetke qol jetkizsek nemese tym quryǵanda halyqtyń basym bóligin vakınalasaq, bul balalardy qorǵaýǵa múmkindik beredi", – dedi Esmaǵambetova brıfıngte.
Qazir respýblıkada on jasqa deıingi balalarǵa vakına salýǵa tyıym salynǵan.
"Balalardyń otbasynda, túrli ujymdarda vırýs juqtyrmaǵany óte mańyzdy. Sol sebepti sizderdi taǵy bir márte vakına saldyrýǵa shaqyramyn. Bul 1 qyrkúıekte balalardyń mektepke, al stýdentterdiń ýnıversıtter men kolledjderge oralýyna múmkindik beredi", – dedi ol.
