Májilistiń plenarlyq otyrysynda prezıdenttik saıası reformalar paketterin júzege asyrý boıynsha negizgi zań jobalary qaraldy. Atap aıtqanda, Májilis depýtattary «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýııalyq zańyna ózgerister men tolyqtyrýlar engizý týraly» Konstıtýııalyq zań jobasyn jáne «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly» ilespe zań jobasyn birinshi oqylymda qabyldaǵan bolatyn.
Budan bólek, 13 sáýirde, Májilistiń Zańnama jáne sot-quqyqtyq reforma komıtetinde atalǵan zań jobalarynyń tanystyrylymy ótti. Odan keıin bul qujattar boıynsha jumys tobynyń 12 otyrysy ótkizildi. Zań jobalaryn talqylaýǵa Ulttyq qoǵamdyq senim keńesiniń músheleri Marat Shıbýtov, Raqym Oshaqbaev, Andreı Chebotarıov, Marat Bashımov, Eldar Jýmagazıev jáne basqa azamattar qatysty.
Osy aıtylǵan qujattar aýyl ákimderin tikeleı saılaý, saıası partııalardyń Májiliske ótýi úshin belgilengen shekti baǵamdy 7-den 5 paıyzǵa deıin tómendetý jáne barlyq deńgeıdegi saılaý bıýlletenderine «barshaǵa qarsy» baǵanyn qosý máselesine qatysty qoldanystaǵy zańnamaǵa ózgerister engizýdi kózdeıdi.
Osyǵan oraı «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýııalyq zańyna ózgerister men tolyqtyrýlar engizý týraly» Konstıtýııalyq zań jobasyna sáıkes aýyl ákimderiniń saılaýyn taǵaıyndaý jáne ótkizý, kandıdattardy usyný jáne tirkeý, kandıdattarǵa qoıylatyn talaptar jáne basqa da máseleler boıynsha qoldanystaǵy zańnamaǵa túzetýler engizý josparlanyp otyr.
Al, «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózerister men tolyqtyrýlar engizý týraly» zań jobasynda «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly», «Qazaqstan Respýblıkasynyń memlekettik qyzmeti týraly», «Saıası partııalar týraly» zańdarǵa jańa normalar engizý kózdelgen.
Osy ózgerister men tolyqtyrýlar qoldanystaǵy zańnamaǵa engizilgennen keıin aýyl ákimderin tikeleı saılaýdyń jalpyǵa ortaq tártibi belgilenedi. Jalpy, 4 jyl ishinde 2 345 ákimdi, sonyń ishinde 2021 jyly 836 ákimdi saılaý josparlanyp otyr.
Bul normalardyń qabyldanýy saıası básekeni damytýǵa jáne azamattardyń saıası belsendiligin arttyrýǵa septigin tıgizedi.
Erlan QARIN,
QR Prezıdentiniń kómekshisi, saıasattanýshy
