Tenderden paıda tabatyn mekemeni birigip qurǵan týǵan baýyry jaýaptan berýden at-tonyn ala qashty. Olardyń maqtaýyn asyryp, ózgelerdi ınvestıııa quıýǵa prodıýser Baıan Alagózova shaqyryp jarnamalaǵan. Aldanǵanyn endi túsingen jurt jappaı polıııaǵa aryz jazyp jatyr, dep habarlady KTK.
"Bul Qazaqstandaǵy tenderlik jobalarǵa aqsha salý arqyly esh qaýiptenbeı-aq aqsha tabýǵa bolatyn jalǵyz kompanııa...".
Baıan jarnamalaǵan bul kompanııaǵa jurt aǵylyp kelgen. Al sol "Astekstiń" basy-qasynda júrgen – aǵaıyndy Shyńǵys pen Almas Qurmanǵalıevter. Tenderden teńge tabýǵa kómektesip, olardyń klıentin kóbeıtý úshin bul iske "Mýdaraba kapıtal" mekemesi deldal retinde tartylypty. Endi olardyń ózi jurtpen birge aldandyq dep, azyn jazǵan.
"Bir apta buryn "Asteks" kompanııasynyń dırektory Almas Qurmanǵalıevtiń atyna aryz jazyp, is qozǵaldy. Bul kompanııany 2019 jyly Almas jáne Shyńǵys Qurmanǵalıevter qurǵan. Jarnamalaryn kórip qyzyqtyq. Shyńǵys tenderge qatysýǵa oqytady. Al Almas tenderdi utýǵa kómektesedi. Biz agent kompanııa retinde jumysqa kirisip, endi aldanyp qalyp otyrmyz", - deıdi Mudarabah Capital kompanııasynyń bas dırektory Rýslan Býrkanov.
Olar tenderden utqan somanyń 20 paıyzyn aradaǵy agent kompanııaǵa berip otyrady. Al deldal mekeme aıyna salymshyǵa quıǵan somasynyń 7-8 paıyzyn aýdarady.
Salymshylar kemi 5 mıllıon teńgeden quıýǵa tıis bolǵan. "Mýdarabany" da eldegi tanymal vaınerler jarnamalap, el qulaǵyn eleń etkizdi. Endi keshirim surasa tańǵalmańyz.
Aldanǵandardyń biri – Araılym. Jarymen kásip bastaýǵa jıǵan qarjysyn "Astekstiń" aranyna tastaǵanyn kesh uqqan.
"Blogerler jarnamasyn jaqsylap berip jatty, biz solaı sheshtik, ınvestıııa bereıik dedik. Biz eki aı kúttik. Eki aıdan keıin taǵy bermedi. Baryp shartty buzdyq. Biraq sodan keıin óz aqshamyzdy ala almaı qaldyq. Mine, bes aı boldy", - deıdi ol.
Araılym sekildi aldanǵandar 200-ge jýyqtaıdy. Aınalyp kelgende 2 mıllıard teńgeni qaltasyna basqan Almas Qurmanǵalıev agent mekemeni de, olarǵa sengen salymshylardy da san soqtyryp ketken.
Al týǵan baýyry Shyńǵys "bul bylyqqa qatysym joq" dep, ózine shań jýytar emes. Tipti "aǵammen arazbyn, aralaspaımyn, ózi jaýap bersin" dep suraqtan sytyldy.
"Bul kompanııany meniki dep eseptegenmin. Almas "Asteks" brendin paıdalanyp, "Asteks kz" dep ataýyn ózgertip, jumysyn "Mýdaraba kapıtalmen"júrgizdi. Endi meni aralastyrmaı, Almas pen Rýslan Býrkanov salymshylar aldyndaǵy sharýalaryn ózderi sheshsin", - deıdi Shyńǵys Qurmanǵalıev.
Bir qyzyǵy, "aǵammen arazbyn" degenmen, Shyńǵys pen Almas Qurmanǵalıevtiń keńsesi bir ǵımaratta. Ekeýi de osyǵan deıin isti bolǵan. Almas Qurmanǵalıev 2010 jyly monopolııaǵa qarsy ınspekııada jumys istep júrip, 5 myń dollar para alǵany úshin sottalsa, Shyńǵys sol jyldary qarjy polıııasynyń qyzmetkeri bola tura, zańsyz oıyn bıznesin uıymdastyrǵany úshin jaza arqalaǵan.
Aıybyn ótegen soń aıaqasty tenderge bet burǵan aǵaıyndylar ol kezeńdi ne rastaǵysy, ne joqqa shyǵarǵysy kelmeıdi.
Al polıııa departamenti kúmándi kompanııaǵa qatysty tekseristi salymshylar aryzynyń negizinde bastap ketti.
"Qazir mán-jaıyn anyqtaýǵa jáne kinálilerdi jaýapqa tartýǵa baǵyttalǵan tergeý is-sharasy júrgizilýde", - dep túsindirdi Almaty qalasy PD resmı ókili Saltanat Ázirbek.
Atalmysh istegi kúdiktilerdiń tizimi kóbeıýi múmkin. Almas Qurmanǵalıevke kómekteskenderdiń arasynda Tımýr Ospanov degen keńesshisiniń aty atalady. Ol jaǵyn tergeý naqtylaıdy. Aryz túskenmen, nege ekeni belgisiz, ushty- kúıli joǵalǵan Almas Qurmanǵalıevke áli izdeý jarııalanbady.
Beıresmı derek boıynsha, ol mıllıardtarymen Grýzııaǵa ketip qalǵan.
