Qoǧam belsendısı Quanyş Edılhantegı jer reformasy jönındegı komissiianyŋ otyrysynda jer ielıgıne qatysty normalarǧa belgılengen moratorii merzımın 5 jylǧa ūzartu turaly şeşımıne qatysty oiyn aitty. Būl turaly ol özınıŋ facebook paraqşasynda jazba jariialaǧan bolatyn.
«QazSSR-ı bolyp tūrǧan kezde jerge menşık degen tüsınık bolǧan joq, barlyq jer memlekettıkı bolyp esepteldı. Ekınşıden, alǧaş ret jerge jekemenşık degen tüsınık Nazarbaevtyŋ Jarlyǧy kezınde paida boldy.
Endı öz oiym - onyŋ Parlamentte zaŋ türınde jüzege asuy Tasmaǧambetovtyŋ premerlıgı kezınde, iaǧni 2002-2003 jyldary jüzege asty. Onyŋ tıptı eger osy zaŋ qabyldanbasa doǧarysqa ketemın dep qorqytqany da este qalypty. Būdan şyǧatyn qorytyndy - jerdı satu degen tüsınıktı ornyqtyryp, ony ıske asyru NÄN-nıŋ ideiasy boluy kerek dep oilaimyn, Tasmaǧambetov siiaqtylar jeldıŋ qai jaqtan soǧyp tūrǧanyn däl baiqaǧan, söitıp şefke jaǧympazdanudyŋ osyndai formasyn ıske asyrǧan. Ärine ol jalǧyz emes, onyŋ deputattar arasynda bırneşe jaqtastary boldy (satylsyn dep dauys bergender tızımı internette bar, bırneşe ret jariialanǧan). Äitpese geografiia mūǧalımı, jerde bır kün de jūmys jasap körmegen, ömır boiy mem. qyzmetşı, eŋ bolmaǧanda ekonomist te emes Tasmaǧambetov jer jekemenşıkke ötse ekonomikamyz güldep ketedı degendı qaidan şyǧarǧan?
Jer lobbiı deputattar, menıŋşe būrynǧy keŋşar direktorlary boluy mümkın. Sebebı olar ortaq menşıkten 10% üles aldy, ol degenıŋız qyrǧyn mal, nemese auyl şaruaşylyǧy tehnikasy. Endı sol maldy jaiatyn nemese egın salatyn jer kerek qoi?
Älemdık täjıribede özım bırşama tanys Ukrainada jerdı jeke menşıkke beru jönınde qatty pıkırtalas boldy. Menıŋşe sol zaŋ älı qabyldanǧan joq. İnvestorlardy keltıru üşın jerdı jekege berudı jaqtauşylar köp. Bıraq Ukraina qaida, bız qaida? Onyŋ körşılerı Europanyŋ damyǧan memleketterı, zaŋdy qūrmetteitınder. Al bızde şe? Jerdı bükıl halyq bolyp üstınen basyp jatqanymyzdyŋ özınde körşılerımız ars-ars etıp, bırese ana jerın, bırese myna jerın jūlmalap tartyp qalyp, Balzaktyŋ şagren terısı siiaqty qūrtyp bara jatyr. Eger jekege ötse, ol şekara maŋy bolsa, qyzyqtyŋ kökesı sonda bolatyn siiaqty - kımnıŋ qaida, kımge ne satyp jatqanyn baqylaudan şyǧaryp alatynymyz anyq.
Körşılerınıŋ jaǧdaiy osyndai ekenın bıle-tūra bilıktı osyndai sonşalyqty qauıptı qadamǧa baruǧa itermeleitın qandai küş? Menıŋşe ol memlekettık müdde emes, tek jeke bastyŋ qamy ǧana. Äitpese eldıŋ aldyna şyǧyp osylai da osylai, dūrysy mynau, onyŋ memleketımızge mynadai paidasy bar dep nege aitpaidy? Aita almasa ärkım öz versiiasyn ūsynady-daǧy. Onyŋ da tür-türın estıp jatyrmyz. Moratoriidı 5 jylǧa ūzartqannan bırdeŋe şeşıle me? Amandyq bolsa 5 jyl da öter, sosyn ne bolady? Asyly köp basty qatyrmai alǧaşqy şyqqan nüktemızge qaityp kelu kerek qoi, iaǧni Qazaq SSR-ı kezındegıdei jer memlekettıŋ, iaǧni halyqtyŋ menşıgı, bıttı! Nükte!» - delıngen jazbada.
"Adyrna" ūlttyq portaly
