Atyraý oblysyna QAZVAK vakınasynyń alǵashqy 2000 dozasy jetkizildi

2233
Adyrna.kz Telegram

Atyraý oblysynyń árbir turǵyny qazaqstandyq vakınany alýyna bolady. Qazir otandyq ekpe qoldanysqa shyqty, dep habarlaıdy Densaýlyq saqtaý basqarmasynyń baspasóz qyzmeti.

Bul týraly Atyraý oblystyq densaýlyq saqtaý basqarmasynyń basshysy Ashan Baıdýálıev aıtty. Basqarma basshysynyń aıtýynsha, eki komponentten turatyn QAZVAK vakınasynyń alǵashqy 2000 dozasy 25 sáýir, jeksenbi kúni Atyraýǵa jetkizildi. Búginde vakınalar eki egý pýnktine - Atyraý qalasynyń 4 jáne 7 emhanalaryna bólinip taratyldy.

-Qazaqstandyq QazCovid - in (QAZVAC) vakınasy – bul eki dozaly vakına. Bir quty bir adamǵa eseptelgen. Sonymen qatar, otandyq vakına muzdatýdy qajet etpeıdi, plıýs 2 - den 8 gradýsqa deıingi temperatýrada saqtalady, - dep túsindirdi Ashan Baıdýálıev.

Esterińizge sala keteıik, qazaqstandyq vakınanyń alǵashqy partııasy bıologııalyq qaýipsizdik problemalarynyń ǵylymı-zertteý ınstıtýty bazasynda 50 myń dozasy shyǵaryldy jáne qazirdiń ózinde Qazaqstannyń barlyq óńirlerine taratylýda. Búgin QAZVAK vakınasyn birinshi bolyp QR Densaýlyq saqtaý mınıstri Alekseı oı aldy.

Pikirler