Qazgıdromet sınoptıkteri Qazaqstanda 22 sáýirdiń aýa raıyn boljady.
Ádettegideı, Qazaqstannyń soltústik jartysynda antııklon yqpaly saqtalǵandyqtan, aýa raıy jaýyn-shashynsyz bolady.
Respýblıkanyń ózge óńirlerinde turaqsyz aýa raıy qalyptasyp, keı jerlerde jańbyr aralas qar jaýady. Sondaı-aq, tuman túsip, kóktaıǵaq bolady. Jel kúsheıip, ońtústik-batysta naızaǵaı oınap, shańdy daýyl soǵady. Tipti, burshaq jaýýy múmkin.
Dabyldy eskertý
Atyraý oblysynyń keı jerlerinde naızaǵaı oınap, shańdy daýyl soǵady. Ońtústik-shyǵystan soqqan jel, keı jerlerde sekýndyna 15-20 metrge deıin jetedi.
Qyzylorda oblysynyń soltústik-shyǵysy men shyǵys aımaǵynda jeldiń kúshi sekýndyna 15-20 metrge deıin kúsheıedi.
Sonymen qatar, 22 sáýirde Úlken jáne Kishi Almaty ózeni basseıninde (2 500 metrden asatyn bıiktikte) jaýyn-shashyn men shyń basyndaǵy qar jamylǵysynyń turaqsyz kúıine baılanysty qar kóshkini júrýi múmkin.
Sondaı-aq, Túrkistan, Jambyl, Almaty oblysy men Almatyǵa irgeles aýmaqtarda qatty jaýyn-shashyn boljamyna baılanysty sý aǵyny qalyptasyp, ózenderde sý deńgeıiniń kóterilýi múmkin.
Mańǵystaý oblysynda keı jerlerde naızaǵaı oınap, shańdy daýyl kóteriledi jáne burshaq jaýady. Ońtústik-shyǵystan soqqan jel keı jerlerde sekýndyna 17-22 metrge jetedi.
Batys Qazaqstan oblysynyń keı jerlerinde naızaǵaı oınaıdy, ońtústik-shyǵystan soqqan jeldiń kúshi sekýndyna 15-20 metrge jetedi.
Óńirlerdegi aýa-raıy
Jambyl, Túrkistan oblysynda tuman túsip, jel kúsheıedi. Sekýndyna 15-20 metrge jetedi. Jambyl oblysynda túnde kóktaıǵaq bolady.
Shyǵys Qazaqstan oblysynyń keı jerlerinde jeldiń kúsheıýi kútiledi. Sekýndyna 15-20 metr jel soǵyp, túnde jáne tańerteń keı jerlerde tuman túsedi.
Kúndiz Pavlodar oblysynyń keı jerlerde jeldiń kúsheıýi sekýndyna 15-20 metrge jetedi.
Almaty men Qostanaı oblysynda túnde jáne tańerteń, al Soltústik Qazaqstan oblysynda keı jerlerde tuman túsedi.
Megapolısterdegi aýa-raıy
Nur-Sultanda túnde mınýs 4-6, kúndiz 7-9 gradýs jyly, kún ashyq bolady.
Almatyda túnde 1-3 gradýs aıaz, kúndiz 7-9 temperatýra, jaýyn-shashyn túsedi.
Shymkentte túnde aýa temperatýrasy +1, +3 gradýsqa deıin tómendeıdi, kúndiz +17, +19 jylý bolady. Kóshpeli bult shyǵady dep boljandy.
