Äleumettık jelılerde jerımızdı qorǧap, ündemei qalmauǧa şaqyrǧan videolar taraluda. QR Ūlttyq qauıpsızdık komitetınıŋ habarlauynşa, onda «Qalqan-2021» oqu-jattyǧularynda tüsırılgen kadrlar körsetılgen.
«2021 jylǧy 17 säuırde jekelegen elektrondyq aqparattyq resurstarda Atyrau oblysynda ötıp jatqan aksiialar turaly video tarala bastady. Ūlttyq qauıpsızdık komitetı būl aqparattyŋ şyndyqqa janaspaitynyn resmi türde habarlaidy. Äleumettık jelılerde taraǧan videoda «Qalqan-2021» oqu-jattyǧulary körsetılgen. Osyǧan bailanysty ŪQK baspasöz qyzmetı otandyq BAQ redaksiialarynan mūndai materialdardy qaita jariialaǧanda nemese oǧan sılteme jasaǧan kezde Ūlttyq qauıpsızdık komitetıne jügınıp, aqparatty rastaudy nemese tüsınıkteme aluyn sūraidy. Sondai-aq ŪQK jalǧan aqparat taratpauǧa şaqyrady», – delıngen habarlamada.
