Jambyl oblysynda eki aı buryn úıinen shyǵyp ketken 23 jastaǵy kelinshek izdestirilip jatyr. Tártip saqshylary ony jer-kókten izdegenimen, ázirge esh nátıje joq. Shý aýdanynyń turǵyny Gúldana Sanaqbaıdyń týystary ony burynǵy kúıeýi urlap áketti dep kúdiktenedi. Óıtkeni iz-túzsiz ketken kelinshek eń sońǵy ret sonymen birge kólikke minip, sol kúıi oralmaǵan, dep habarlady KTK.
Gúldana Sanaqbaı 11 aqpan kúni Almatyǵa jolǵa shyǵamyn dep jumystan úıine erte qaıtady. Jolaı ony-muny alý úshin saýda ortalyǵyna soǵady. Beınebaqylaý kamerasy túsirgen vıdeodan 23 jastaǵy kelinshektiń aq "Aýdı" kóligine mingeni anyq kórinedi.
"Ortalyqtan shyǵyp, burynǵy joldasy Qalqan Berikpen bir kólikke otyrǵany bar. Odan keıin kórgen-bilgen adam joq", - deıdi Gúldananyń anasy Indıra Tileýbaeva.
Indıra Tileýbaeva qyzyn burynǵy kúıeý balasy urlap ketti me dep kúdiktenedi. Onyń aıtýynsha, Gúldana alty jyl buryn turmys qurǵan. Biraq betashardan keıin kóp uzamaı kúıeý balasy isti bolyp, bes jarym jyl jazasyn ótep shyqqan. Keıin erli-zaıyptynyń dinı kózqarasy sáıkes kelmeı, aqyry ajyrasyp tynǵan. Alaıda burynǵy kúıeýi Gúldanany qorqytyp, sońynan qalmaı qoıypty.
"Birtoǵa qyz, onyń ishinde ne bolyp jatqanyn eshkim bilmeıdi. Aıtpaıdy. Kúıeýiniń uryp-soqqanyn da bilgen joqpyz. Joǵalǵannan keıin estip jatyrmyz", - deıdi Gúldananyń ájesi Tileýkúl Tileýbaeva.
Gúldana mingen kólikte kúıeýimen birge taǵy eki jigit bolǵan. Bári bir aýyzdan 23 jastaǵy kelinshekti týysynyń úıine jetkizip saldyq dep túsinikteme bergen. Osyǵan ılanǵan tártip saqshylary olardy kúdikti dep qaramasa kerek. Al polıeıler tek derekke qatysty qylmystyq istiń qozǵalǵanyn aıtady.
"Derekke qatysty Qazaqstan Qylmystyq kodeksiniń 99-babymen qylmystyq is qozǵalǵan. Polıııa departamentimen arnaıy top qurylyp, qylmysty ashýǵa keshendi tergeý júrgizilip jatyr. Tergeý qupııalyǵyna baılanysty ózge málimet jarııa etilmeıdi", - dep túsindirdi Jambyl oblysy PD tergeý basqarmasynyń tergeýshisi Azamat Qalmen.
Iz-túzsiz ketken kelinshektiń burynǵy joldasynan 6 jastaǵy balasy bar. Ony qazir ájesi baǵyp otyr. Muhamedáli anasynyń joǵalǵanyn jýyrda ǵana estigen. Buǵan deıin oǵan sheshesi is-saparda dep aldap kelipti. Endi ol anasynyń tabylyp, úıge oralǵanyn taǵatsyzdana kútip júr. Al Gúldananyń týystary kúshtik qurylymdardyń izdeý jumysyna kóńili tolmaıdy. Sondyqtan olar Nur-Sultannan bilikti mamandardyń kelýin qalaıdy.
