Qyzylordada er adam uıaly telefon men shegeni jutyp qoıyp, dárigerlerdiń arqasynda aman qaldy. Bul jaǵdaı týraly Qyzylorda oblysynyń densaýlyq saqtaý basqarmasy habarlady.
"Kópsalaly oblystyq aýrýhanaǵa túsken er adamnyń aıtýynsha, ol shamamen 8 saǵat buryn uıaly telefondy jutyp qoıǵan", - delingen habarlamada.
Er adamǵa jedel túrde ish qýysy organdarynyń rentgenografııasy jasaldy, odan bóten dene: uıaly telefon men shege tabyldy.
"Telefonnyń batareıasy óte qaýipti, ol kez kelgen ýaqytta asqazannyń shyryshty qabyǵyn kúıdirýi múmkin. Mamandardyń keńesinen keıin ıkemdi endoskoptyń kómegimen bógde zat sátti alynyp tastaldy. Ony endoskopıst dáriger Aıbek Aqbaev jasady", - dedi oblystyq densaýlyq saqtaý basqarmasy.
Er adamnyń nelikten mundaı áreketke barǵany aıtylmady.
