Óskemenge er adammen kezdesýge ketken pavlodarlyq kelinshek 12 jastaǵy qyzyn 2 kún boıy páterde jalǵyz qaldyrǵan, dep habarlaıdy «Adyrna» tilshisi Polisia.kz-ke silteme jasap.
«Polıeılerge kópqabatty úılerdiń biriniń turǵyndarynan shaqyrtý kelip tústi. Kórshisi páterlerdiń birinde 12 jastaǵy qyzdyń qamalyp qalǵanyn aıtty. Eki kún boıy qyz bala úıde jalǵyz ózi bolǵan. Polıeıler qyzdyń anasynyń Óskemen qalasyna er adammen kezdesýge ketkenin anyqtady. Anasy úıine birneshe kúnnen keıin ǵana oraldy. Úıinde balasynyń jalǵyz, azyq-túliksiz qalǵandyǵy ony oılandyrǵan joq»,– dedi Pavlodar oblysy Ekibastuz qalasy Polıııa basqarmasynyń aǵa ınspektory Fatıma Ahmetchanova.
Páterdiń esigin ashý úshin tótenshe jaǵdaılar, bilim bólimderiniń ókilderi shaqyryldy. Qyzben sóılesken kezde onyń ájesiniń qalada turatyny belgili boldy. Kámeletke tolmaǵan qyz bala ájesine tapsyryldy.
– Qyzdyń anasy buǵan deıin de QR ÁQBtK-niń 127-baby boıynsha kámeletke tolmaǵan balany tárbıeleý men bilim berý, onyń quqyqtary men múddelerin qorǵaý jónindegi mindetterin oryndamaǵany úshin ákimshilik jaýapkershilikke tartylǵan. Atalǵan fakt boıynsha qyzdyń anasyna qatysty QR ÁQBtK-niń 127-baby boıynsha ákimshilik is qozǵaldy. Budan basqa, qyzdyń anasynyń bul isi kámeletke tolmaǵandardyń isteri jáne olardyń quqyqtaryn qorǵaý jónindegi komıssııanyń otyrysynda qaralady, onda qyzyn anasymen odan ári qaldyrý týraly másele sheshiletin bolady, – dep atap ótti Fatıma Ahmetchanova.
«Adyrna» ulttyq portaly
