Almatyda joǵalyp ketken 19 jasar qyzdy izdestirip jatyr, dep habarlaıdy «Adyrna» tilshisi Almaty.tv-ge silteme jasap.
Qyzdyń joǵalǵany týraly habarlandyrýlar áleýmettik jelilerde paıda boldy.
Týystarynyń aıtýynsha, 2001 jyly týǵan Edilova Aıajan 19 naýryz kúni saǵat 20:43-te Qonaev kóshesi 43 meken-jaıy boıynsha jumystan shyǵyp ketken jáne úıge oralmaǵan. Baqylaý kamerasy qyzdy sońǵy ret onyń jumystan shyqqan kezde túsirgen.
«Ol qara kýrtka, keń qara djınsy, qara beret kıgen, qyzǵylt sómke ustaǵan», - deıdi joǵalǵan qyzdyń týystary.⠀
Joǵalǵan qyzdyń týystary turǵyndardan aqparatty áleýmettik jelilerde bólisip, tabýǵa kómektesýin suraıdy.
Eger Aıajan týraly qandaı da bir aqparat bolsa, týystaryna habarlasyńyzdar +7471444110 (Altynaı)
«Adyrna» ulttyq portaly
