Tarazǵa jańa ákim taǵaıyndaldy. Bul qyzmetti Erjan Jylqybaev atqaratyn bolady, dep habarlaıdy Jambyl oblysy ákimdiginiń baspasóz qyzmeti.
Oblys ortalyǵynyń jańa ákimin qala aktıvine aımaq basshysy Berdibek Saparbaev tanystyrdy.
"Taraz oblys ortalyǵy bolǵannan keıin onyń damýy aımaqtyń damýyna tikeleı baılanysty. Erjan Jylqybaev biraz jerde qyzmet atqardy, synnan ótti. Tarazdyń damýyna bar tájirıbesin salady dep senemin. Ótken jyly Qordaıǵa kóp kóńil bólinse, bıyl Tarazǵa erekshe nazar aýdarylmaq. Halyqtyń jaǵdaıyn jaqsartý, áleýmettik nysandar salý, ınfraqurylymdy, kelbetin jaqsartýǵa kóńil bólinedi",- dep atap ótti Berdibek Saparbaev.
