IIDM baspasóz qyzmeti aýa raıynyń qolaısyzdyǵyna baılanysty birqatar respýblıkalyq mańyzy bar jol jabylǵanyn habarlady.
Kún raıynyń buzylýyna baılanysty qozǵalysqa shekteý kelesideı respýblıkalyq joldarda engizildi:
Aqtóbe oblysynda:
júk jáne qoǵamdyq kólikter úshin:
1.«Samara-Shymkent» avtojolynyń 526-710-shaqyrymynda, atap aıtqanda BQO shekarasy men Qurshasaı aýylynyń aralyǵyndaǵy ýchaskede.
Avtokóliktiń barlyq túri úshin:
2. «Qandyaǵash-Emba-Shalqar-Yrǵyz» avtojolynyń 3-257-shaqyrymynda, atap aıtqanda Qandyaǵash pen Shalqar qalalarynyń aralyǵyndaǵy ýchaskede.
3. «Aqtóbe-Atyraý-RF shek.» avtojolynyń 100-180-shaqyrymynda, atap aıtqanda Qandyaǵash qalasy men Shubarqudyq aýylynyń aralyǵyndaǵy ýchaskede.
4. «Aqtóbe-RF shek.» avtojolynyń 39-136-shaqyrymynda, atap aıtqanda Sh.Qaldaıaqov aýyly men RF shekarasy aralyǵyndaǵy ýchaskede.
5. «Aqtóbe qalasynyń soltústik aınalma jolynyń» 0-39-shaqyrymyndaǵy ýchaskede.
6. «Aqtóbe-Atyraý-RF shek.» avtojolynyń 180-250-shaqyrymynda, atap aıtqanda, Shubarqudyq jáne Qaraýylkeldi aýyldarynyń aralyǵyndaǵy ýchaskede.
7. «Samara-Shymkent» avtojolynyń 776-1153-shaqyrymynda, atap aıtqanda Belogorka aýyly men KEShI aıyryǵy aralyǵyndaǵy ýchaskede.
Batys Qazaqstan oblysynda:
Júk jáne qoǵamdyq kólikter úshin:
«Samara-Shymkent» avtojolynyń 394-526-shaqyrymynda, atap aıtqanda Jympıty aýyly men Aqtóbe oblysynyń shekarasy aralyǵyndaǵy ýchaskede qozǵalysqa shekteý engizildi.
Almaty oblysynda:
2021 jylǵy 19 naýryzda saǵat 09.00-de Almaty oblysynda aýa raıynyń nasharlaýyna baılanysty (burqasy, joldyń kórinbeýi) «Úsharal-Dostyq» avtojolynyń 83-184-shaqyrymynda, atap aıtqanda Kóktýma st.-Dostyq st. aýmaǵynda kóliktiń barlyq túriniń júrýine shekteý qoıyldy.
