Pýtın taǵy qyr kórsetti: Biz syıǵa tartqan jerdi paıdalanyp bizge qarsy kelýge jol bermeımiz!

7997
Adyrna.kz Telegram

Reseı basshysy Vladımır Pýtın taǵy da "syıǵa tartylǵan jer taqyrybyn" qozǵady. 18-naýryz kúni Lýjnıkı kesheninde Qyrymdy tartyp alǵanyna 7-jyl tolýyna baılanysty úlken konert uıymdastyryldy. Konertte Pýtın taǵy da ózge elderge qyr kórsete sóz sóıledi.

"Ótken ǵasyrdyń  20-jyldary bolshevıkter Keńes odaǵyn qurý kezinde túsiniksiz sebeptermen kóptegen terrıtorııalardy endi qurylǵan kvazımemlekettik qurylymdarǵa bere saldy.  Al keıin ózderi quldyrap, óz partııalaryn ishinen qulatyp, Keńes Odaǵyn taratyp tynǵan sátte, Reseı aýqymdy terrıtorııalary men geosaıası keńistikterinen aıyrylyp qaldy", - dedi Pýtın.

"Biz jańa geosaıası shyndyqta ómir súrýge daıynbyz. Onyń ústine biz kórshilerimizdi tek kórshi retinde ǵana emes, olardy baýyrlas halyq retinde de qarastyramyz. Biz olarǵa qol sozyp, olardyń damýyna múmkindik jasap, alǵa jyljýyna septigimizdi tıgizýge daıynbyz. Bizdiń básekege qabiletti múmkindikterimizdi usynamyz. Al ondaı múmkindikter jetkilikti ", - dedi ol.

"Biz eshkimge de esh ýaqytta Reseı bergen qısapsyz syılyqty paıdalanyp, Reseı Federaııasyna zııan keltirýine jol bermeımiz. Meniń bul sózimdi uǵatyndar uqty dep oılaımyn", - dedi Reseı basshysy.

Ashat QASENǴALI,

"Adyrna" ulttyq portaly

Pikirler