Japonııa astanasy Tokıoda ótetin XXXII jazǵy Olımpıadaǵa 159 kún qaldy, dep habarlaıdy «Adyrna» tilshisi Mádenıet jáne sport mınıstrliginiń baspasóz qyzmetine silteme jasap.
Koronavırýs pandemııasyna baılanysty bir jylǵa shegerilgen olımpııa oıyndary bıyl 23 shilde men 8 tamyz aralyǵynda ótedi. Ashylý saltanaty Tokıo ulttyq stadıonynda ótedi dep josparlanyp otyr. Jalpy báseke qaladaǵy 42 sport nysanynda ótedi.
Osy Olımpıada baǵdarlamasyna 3h3 basketbol, beısbol/softbol, karate-do, serfıng, quzǵa órmeleý jáne skeıtbordıng sııaqty jańa sport túri engizilgen.
Aldyn ala esep boıynsha álemniń 205 elinen kelgen atletter 33 sport túri boıynsha 339 medal jıyntyǵyn sarapqa salady dep josparlanǵan.
Memlekettik tapsyrysty oryndaý aıasynda olımpıada baǵdarlamasyna kiretin sport túrlerinen ulttyq qurama sportshylaryn daıarlaýdy Qazaqstan Respýblıkasynyń Ulttyq Olımpıada komıteti júzege asyrady. Al 2020 jyldan bastap Qazaqstan Respýblıkasynyń Ulttyq Paralımpıada komıtetine osyndaı fýnkııa berildi.
Qazaqstan quramasy sportshylarynyń sapaly daıyndyǵy men sátti óner kórsetýi úshin Úkimeti tarapynan barlyq qajetti jaǵdaı jasalǵan.
Ótken jyly lıenzııa jeńip alý josparyn iske asyrý úshin 431 oqý-jattyǵý jıyny ótti. Qurama komandalarymyz 104 halyqaralyq básekege qatysyp, 105 medalge ıe boldy (18 altyn, 35 kúmis jáne 52 qola).
Bizdiń anyqtama: (jeńil atletıkadan 3 lıenzııa - Georgıı Sheıko, Olga Rypakova, Aıman Ratova, velosporttan (tas jol) 4 lıenzııa, júzýden 2 lıenzııa - Dmıtrıı Balandın, ashyq sýda júzý 1 lıenzııa - Vıtalıı Hýdıakov, sadaq atýdan 4 lıenzııa - Sanjar Musaev, Denıs Gankın, Ilfat Abdýllın, quzǵa órmeleýden 1 lıenzııa - Rıshat Haıbýllın, sınhrondy júzýden 1 lıenzııa - Aleksandra men Ekaterına Nemıch, grek-rım kúresinen 2 lıenzııa - Meırambek Aınaǵulov, Ashat Dilmuhamedov, áıelder kúresinen 2 lıenzııa - Valentına Islamova, Elmıra Syzdykova, erkin kúresten 4 lıenzııa - Nurıslam Sanaev, Dáýlet Nııazbekov, Danııar Qaısanov, Álisher Erǵalı, sporttyq gımnastıkadan 1 lıenzııa - Mılad Karımı, stend atýdan 1 lıenzııa - Sársengúl Rysbekova, oq atýdan 1 lıenzııa - Iýrıı Iýrkov, qazirgi bessaıys boıynsha 2 lıenzııa - Elena Potapenko, Pavel Ilıaenko, karate WKF 1 lıenzııa - Darhan Asadilov, bokstan 9 lıenzııa – Sáken Bıbosynov, Serik Temirjanov, Zakır Safıýllın, Abylaıhan Júsipov, Ábilhan Amanqul, Bekzat Nurdáýletov, Vasılıı Levıt, Qamshybek Qońqabaev, Nadejda Rıabe, velotrekten 3 lıenzııa, sý dobynan 1 lıenzııa).
Aldaǵy ýaqytta Olımpıadaǵa deıin joldama úlestiretin 11 qurlyqtyq (onyń biri kúres túrlerinen Almaty qalasynda ótedi dep josparlanǵan), 7 álemdik irikteý jarysy, 3 álem kýbogy men 20 reıtıngtik týrnırge sportshylarymyz qatysady.
Jalpy elimiz Olımpıadaǵa 31 sport túrinen kem degende 100 joldama ıelenýdi josparlap otyr.
Qazirgi ulttyq komandalar 18 sport túrinen 43 lıenzııa (52 sportshy) jeńip aldy, onyń ishinde 17-si jeke jáne bireýi komandalyq sport túrinen (sý doby).
«Adyrna» ulttyq portaly
