2 mln teńge: Kópbalaly ana ákimnen keshirim surady

4035
Adyrna.kz Telegram

Kemshilik bizden ketti!» Aqtóbede kópbalaly anaǵa quny joq 2 mln teńgeniń sertıfıkatyn bergen sheneýnikter aqtaldy. Ol úshin arnaıy baspasóz máslıhatyn ótkizdi. Ákimdiktiń málimdeme jasaǵany qısyndy, al bes balasymen jataqhananyń jýynatyn bólmesinde turyp jatqan kópbalaly kelinshekti aımaq basshysynan keshirim suraýǵa ne ıtermeledi?

Bul týraly Eýrazııa birinshi arnasy habarlady.

Aısulý KÓZDIBAEVA, kópbalaly ana: «Men oblys ákiminen keshirim suraıyn dep edim. Túsinbestik bolypty. Men degen oıladym maǵan beriled dep oıladym».

Keshe ǵana oblys ákimine bazynasyn aıtqan Aısulý bes balasymen jataqhananyń jýynatyn bólmesinde turady. Otaǵasynyń turaqty jumysy joq, jaldanyp jumys isteıdi. Ábden qajyǵan kelinshek áleýmettik jeli arqyly kópten kómek suraǵan edi. Ázirbaıjan jastar qaýymdastyǵy lezde kómekke umtylypty. Otbasy turyp jatqan 14 sharshy metr jerdi jóndep, jıhazyna deıin jańalap bergeni. Al oblys basshysy Ońdasyn Orazalın «Alǵys aıtý» kúni qarsańynda kelinshekke 2 mln teńgeniń sertıfıkatyn tapsyrady. Aısulý bolsa ol somany baspana alýǵa jumsaımyn dep josparlaıdy. Biraq, eshkim kelinshekke kórsetilgen soma ázirbaıjan jastary qaýymdastyǵynyń jóndeý jumystaryna jumsaǵan qarajaty ekenin eskertpepti. Ákimniń qolynan alǵan ádemi sertıfıkat úshin oblys ákiminiń orynbasary ózi keshirim surady.

Meırambek ShERMAǴAMBET, oblys ákiminiń orynbasary: «Bul jerde kemshilik ketken árıne, bizden. Sondyqtan bizder keshirim suraımyz. Aldaǵy ýaqytta da bul máseleler naqty sharalarda túsindirilip otyratyn bolady».

Oblys ákimdigi arnaıy ótkizgen brıfıngke úımeli-súımeli bes balasy bar Aısulý da qatysty. Bas-kóz bolatyn adam bolmaǵasyn kishkentaı qyzyn da birge ala kelipti. Osydan keıin kelinshek tikeleı efırde ákimnen keshirim surady. Durys túsinbeı qalǵanyn aıtyp, aqtaldy.

 

Pikirler