Nūr-Sūltan qalasy Qazaqstan halqy assambleiasynyŋ ūiymdastyruymen Körısu künı toilandy dep habarlaidy «Adyrna» ūlttyq portaly Qazaqstan Halqy Assambleiasyna sılteme jasap.
14 nauryzda elımız Nauryz meiramynyŋ basy Körısu merekesın atap ötedı. Būl kündı Amal merekesı dep te aitady. Halyq qystan aman-esen şyqqanyna, köktemge aiaq basyp, tuys-tuǧan, körşı-köleŋmen jüzdeskenıne quanyp, qol alysyp, tös qaǧysady. Bır-bırıne degen arazdyq, ökpe-renıştı ūmytyp, amandyq tıleidı.
Elordadaǧy Dostyq üiınde Fanida Mūqataiqyzynyŋ jetekşılıgımen Körısu künı toilanyp, oǧan barlyq etnomädeni bırlestık ökılderı qatysty. Merekelık keşte Nūr-Sūltan qalasynyŋ «Esıl tolqyndary» ardagerler ansamblı öz önerın körsettı.
QR Prezidentı Qasym-Jomart Toqaev qazaqstandyqtardy Körısu künımen qūttyqtai otyryp:
«Ejelden kele jatqan ata saltymyz boiynşa jastar osy künı ülkenderge sälem berıp, batasyn alady. Jūrt bır-bırıne aq tılekterın arnaidy. Būl - naǧyz bereke-bırlık pen yrys-yntymaqtyŋ meiramy», - dep jazdy Twitter-degı paraqşasynda.
