2020 jyly 15 jeltoqsanda, Táýelsizdik merekesi qarsańynda "Aq jol" partııasy Memlekettik tildi qoldaý týraly mıtıng ótkizbekshi bolǵanda, bılik pandemııany jeleý etip, ruqsat bermedi. MEMLEKET MEMLEKETTIK TILIN QOLDAÝ MITINGISINE QARSY BOLDY! Negizi Táýelsizdik alǵanyna 30 jyl bolsa da, Memlekettik tilin qoldaý úshin mıtıngi surap, depýtattyq saýal jasap júrgen el álemde jalǵyz Qazaqstan ǵana! Al sol kúni resmı ruqsat berilmese de, mıtıngige shyǵa berýge bılik ruqsat berip qoıǵan ádettegideı úırenshikti senarıımen kezekti onshaqty adam shyqty...
Al keshe Almatydaǵy genderlik teńdik taqyrybymen áıelder quqyn qorǵaýǵa arnalǵan sherý bolyp ótti.
Árıne, áıel quqyn qorǵaý qashanda mańyzdy. Qazaq halqy o bastan úkilegen qyzyn tórge otyrǵyzyp, aıaýly anany ardaqtap, asyl jaryn qurmettep ósken halyq. Biraq, eshýaqytta qazaq áıeli pir tutatyn erimen ózin teńestirip, ersilik jasamaǵan, áıelge tán ádebimen, paıym-parasatymen qasıetti sanalady. Qazaqtyń batyrlar jyryn alsańyz da, Alpamys batyrmen birge Gúlbarshyn, Qobylandymen Qurtqa, Er Tarǵynmen Aqjúnis qatar aıtylyp, dáriptelip kele jatyr.
Biraq keshegi sherý ishindegi "Jatyrymyz ózimizdiki, ony ne isteıtinimizdi ózimiz sheshemiz" degen urandar kótergen quramy kúmándi toptardy kórgende qany bar eldiń qany qaınaýda...
Sherýde bir jynystylardyń bir-birine úılenýin úndeıtin, jezókshelerdiń quqyn qorǵaýǵa shaqyrǵan jyn-jybyrlardyń jalaýlary da jalbyrap júr eken...
Qazaq áıelderiniń qolynan "Meniń jatyrym-meniń erejelerim", "Kúshtiń jynysy joq", "Ana bolý mindet emes"" degen urandardy kórý qandaı qasiret edi?!.
"Búgingi akııany uıymdastyrǵan "Femınıta" femınıstik bastama tobynyń negizin qalaǵan belsendiler Janar Sekerbaeva men Gúlzada Serjan Qazaqstanda lesbı, bıseksýal, kvır, transgender qaýym ókilderi, jynystyq qyzmet kórsetetin áıelder quqyǵy qorǵalmaı, qorǵansyzdyń kúıin keship kele jatqanyna kópshiliktiń nazaryn aýdardy"-dep jazady Azattyq tv.
Iaǵnı, Til sherýine jol joq - jyn sherýine jol kóp bolyp tur shyndyǵyn aıtqanda.
Ata-babamyz san ǵasyr armandap, qoly zorǵa jetken qasıetti Táýelsizdiktiń 30 jyldyǵyn -Táýelsizdik besigi bolǵan Almatyda osyndaı Ulttyq uǵym men salt-dástúrimizge jat masqara sherýmen bastap qarsy alýdamyz!..
Osy bizdiń elde Ulttyq ıdeologııa degen bar ma?
Azattyqty asqaqtatatyn, Ultty saqtap qalatyn Ulttyq ıdeologııany qashan qolǵa alamyz?
