Qazaqstandyq 11 bank klıentterine úndeý jasady, dep habarlaıdy «Adyrna» tilshisi.
Atap aıtsaq, Kaspi.kz, «Sberbank» EB AQ, Halyk Bank, Nurbank, VTB Bank ( Qazaqstan), ForteBank, Jýsan Bank, AltynBank, Hoým Kredıt Bank, Eýrazııalyq bank, «Alfa-Bank Qazaqstan» EB AQ barshy halyqty saq bolýǵa shaqyrdy.
Baspasóz qyzmetiniń aıtýynsha, alaıaqtardyń bank klıentterine shabýyl jasaýy taǵy da jıilep ketken. Munyń keń taralǵan birneshe ádisi bar.
Alaıaqtar:
• Qońyraý shalyp, ózin bank qyzmetkeri retinde tanystyrady. Kúdikti operaııalar týraly aıtyp, klıent shotynan aqsha aýdarýǵa qajetti málimetterdi alýǵa tyrysady. Mysaly jeke kabınette qupııasózdi aýystyrýdy, jańa qupııasózdi jáne SMS-habarlama arqyly kelgen qupııa kodty aıtýdy suraıdy. Bul málimetter arqyly alaıaqtar klıent shotyndaǵy aqshany aýdaryp, tipti onyń atyna aqshalaı kredıt rásimdeýi múmkin.
• Qońyraý shalyp, klıent shotynan aqsha urlanýy qaýpi baryn, qarajatty jedel túrde «qosymsha shotqa», «saqtandyrý agentine», «saqtandyrý uıashyǵyna» t.b aýdarý keregin aıtady. Ańyzdar ártúrli bolýy múmkin, bastysy – klıent qarajatyn basqa shotqa aýdarýǵa kóndirý. Keıbir jaǵdaıda alaıaqtar arnaıy kompıýterlik baǵdarlamanyń kómegimen bank nómirinen qońyraý shalǵan bolady nemese uqsas nómirden qońyraý shalady.
• Poshta nemese messendjerlerge qaıyrymdylyq akııasy, erekshe qarjylyq qyzmetter, júldeler utysy jáne t.b sharalar týraly aqparat taratady. Olarda jeke málimetterdi engizýge jáne banktik operaııalardy jasaýǵa arnalǵan siltemeler bolady. Adam karta málimetterin engizgen sátte alaıaqtar aqsha sheship alady. Sondaı-aq siltemede alaıaqtarǵa sizdiń qosymshańyzǵa kirýge múmkindik beretin vırýstar bolýy múmkin.
• Qońyraý shalyp basqa bireýdiń sizdiń jeke kabınetińizge kirýge talpynyp jatqanyn aıtyp, qaýipsizdik úshin qosymsha júktep alýdy usynady. Mundaı qosymshalar alaıaqtarǵa telefonyńyzǵa kirýge múmkindik beredi. Odan keıin sizdiń atyńyzdan qońyraý shalyp, qarjylyq operaııalardy jasaýy múmkin.
Bankter óz klıentteriniń senimin baǵalaıdy. Jeke málimetter men elektrondy qarjy aýdarymdarynyń qaýipsizdigin joǵary deńgeıde qamtamasyz etedi. Sondyqtan alaıaqtar qodanýshylardyń ózderin aldaý arqyly aqsha jymqyrýǵa tyrysady», - delingen habarlamada.
Eger alaıaqtar qońyraý shalsa, ne isteý kerek?
Alaıaqpen sóılespeńiz. Tutqany qoıyńyz. Shottaǵy aqshańyzdyń ornynda ekenine kóz jetkizińiz. Suraqtaryńyz bolsa, banktiń call-ortalyǵyna qońyraý shalyńyz.
Eshkimge aıtpańyz:
• Uıaly qosymsha men ınternet-bankıngtegi jeke kabınetińizdiń qupııasózin;
• Karta rekvızıtterin: nómeri, jaramdylyq merzimi, CVV/CVC-kod (kartanyń artqy bóligindegi úshtańbaly kod).
• Operaııany: tólem, aýdarym t.b rastaýǵa arnalǵan SMS-kodty.
Bul derekterdi qońyraý shalǵan adam ózin bank qyzmetkeri dep tanystyrsa da, bank nómirine uqsas nómirden habarlassa da aıtýǵa bolmaıdy. Naǵyz bank qyzmetkeri mundaı aqparatty suramaıdy. Bul tek alaıaqtarǵa ǵana kerek.
Ornatpańyz:
- Tanys emes adamdar surasa, kez kelgen uıaly qosymshany
Silteme arqyly ótpeńiz:
- Habarlama tipti tanymal bank nemese kompanııa atynan kelse de. Siltemeni basqan soń kompıýterińizge zııankes vırýs kirýi múmkin. Ol alaıaqtarǵa sizdiń banktik shottaǵy qarajatyńyzdy urlaýǵa múmkindik beredi.
Toltyrmańyz:
- Jeke málimetterińizdi suraıtyn anketelardy toltyrmańyz. Eger silteme arqyly ótseńiz, anketa, saýalnamany ashpańyz, ózińiz týraly aqparat qaldyrmańyz. Naǵyz akııalar men utys oıyndary týraly bilgińiz kelse, bankterdiń resmı saıttary men áleýmettik jelidegi paraqshalaryn oqyńyz.
«Adyrna» ulttyq portaly
