Soltústik Qazaqstan oblysy Aqqaıyń aýdanynda órtten bala qaza tapty. Bul kezde ata-anasy úıde bolmaǵan, - dep habarlaıdy "Adyrna" ulttyq portaly Tengrinews.kz saıtyna silteme jasap.
TJD ókilderi bala Aqqaıyń aýdany Novorossıısk aýylynda qaza tapqanyn habarlady. Eki páterli úıdegi órt týraly kýáger habarlaǵan.
"1 naýryzda saǵat 18:59-da Smırnovo aýylynyń "101" pýltine Novorossıısk aýylyndaǵy turǵyn úıde órt shyqqany týraly habarlama kelip tústi. Bir qabatty úıde páter janyp jatqany anyqtaldy. Órtsóndirýshiler kelgenge deıin jergilikti turǵyndar 2015 jyly týǵan balanyń jansyz denesin alyp shyqqan. Órt sebebi anyqtalyp jatyr, balanyń denesi saraptamaǵa jiberildi", - dep habarlady SQO TJD ókili.
Bala úıde jalǵyz qalǵan, ata-anasy jergilikti JShS-de jumys isteıtini belgili boldy.
