Petropavlda anasy uryp-soqqan úsh jasar qyz kóz jumdy. Soǵan baılanysty áıelge qatysty qylmystyq isti basqa bapqa aýystyrdy, dep habarlady oblystyq polıııa departamentiniń baspasóz qyzmeti.
27 aqpanda buǵan deıin oblystyq balalar aýrýhanasyna dene jaraqatymen túsken qyz qaıtys boldy. Dárigerler 17 aqpannan bastap ony aman alyp qalýǵa tyrysty.
Buǵan deıin is qylmystyq kodekstiń 106-baby 2-bóligi ("densaýlyqqa qasaqana aýyr zııan keltirý") negizinde qaraldy.
"Qyzdyń qaıtys bolýyna baılanysty qylmystyq quqyqbuzýshylyq quramy qylmystyq kodekstiń 106-babynyń 3-bóligine aýysty. Bul bap boıynsha 8 jastan 12 jasqa deıin bas bostandyǵynan aıyrý jazasy qarastyrylǵan", - dep túsindirdi polıııa.
Osy qylmysty jasaǵany úshin 1998 jyly týǵan balanyń anasy ustaldy, oǵan qatysty bultartpaý sharasy – kúzetpen ustaý tańdaldy. Kúdikti qazir tergeý ızolıatorynda.
Qylmystyq is aıasynda tergeý amaldary júrgizilip, birqatar qajetti saraptama taǵaıyndaldy.
Qylmystyq isti tergeý barysy Soltústik Qazaqstan oblysy polıııa departamenti basshylyǵynyń jáne prokýratýrasynyń erekshe baqylaýyna alynǵan.
