Bır täulık ışınde respublikanyŋ avtojoldarynda 155 bırlık tehnika şyǧarylyp, 294 adam qūtqaryldy jäne evakuasiialandy. Būl turaly TJM baspasöz qyzmetı jazdy, dep habarlaidy «Adyrna» tılşısı.
«Qazgidromet» RMK derekterı boiynşa 16 öŋırde (Nūr-Sūltan, Şymkent qalalary, Aqmola, Atyrau, Almaty, Aqtöbe, Jambyl, BQO, Qaraǧandy, Qostanai, Pavlodar, Qyzylorda, Maŋǧystau, SQO jäne Türkıstan) dauyldy eskertu jariialandy.
TJM ahualdyq ortalyǧynda Respublikalyq jedel ştab qūryldy, oǧan «Qazaqavtojol» JŞS jäne «QazAvtoJol»ŪK AQ qyzmetkerlerı kırdı. Osyndai ştabtar Aqmola, Qaraǧandy, SQO, Qostanai, Batys Qazaqstan, Atyrau oblystary men Nūr-Sūltan qalasynda jūmys ısteidı. Būl turaly KR TJM resmi ökılı Talǧat Uäli habarlady.
Qazırgı uaqytta aua raiynyŋ naşarlauyna bailanysty (boran, qar, naşar körınu, köktaiǧaq) respublikalyq maŋyzy bar avtojoldardyŋ 46 uchaskesı jäne 14 öŋırde 51 oblystyq maŋyzy bar uchaske jabyldy, būl Nūr-Sūltan qalasy, Aqmola, Aqtöbe, Almaty, Atyrau, Batys Qazaqstan, Qaraǧandy, Qostanai, Soltüstık Qazaqstan, Şyǧys-Qazaqstan, Pavlodar, Maŋǧystau, Türkıstan, Jambyl oblystary.
Beketterde Qostanai (87 bırlık), Jambyl (70 bırlık), Qaraǧandy (169 bırlık) oblystarynda barlyǧy 316 bırlık avtokölık şoǧyrlanǧan.
Jabyq jol uchaskelerınde halyqty evakuasiialau üşın 473 jylytu punktı daiyn.
«Adyrna» ūlttyq portaly
