Qyzylordada sottalǧanmen kezdesuge kelgen azamattyŋ sälem-sauqatynan esırtkı tabyldy, dep habarlaidy «Adyrna» tılşısı Polisia.kz-ke sılteme jasap.
2021 jylǧy 22 aqpanda Qyzylorda oblysy boiynşa QAJD qarasty ZK-169/5 mekemesınde jazasyn ötep jatqan azamatqa qysqa merzımdı kezdesuge kelgen tanysynyŋ sälem-sauqatynan esırtkı tabyldy.
Mekeme qyzmetkerlerı kezdesuge kelgen azamattyŋ sälem-sauqatyn tekseru barysynda “State Line” temekısıne nyǧyzdalyp salynǧan 27 dana jasyl tüstı, ötkır iıstı zatty anyqtaǧan.
Būl fakt boiynşa mekemege Qyzylorda qalalyq Polisiia basqarmasynyŋ jedel-tergeu toby şaqyrtyldy.
Ötkızılgen saraptama nätijelerıne säikes tärkılengen zat-jalpy salmaǧy 20,22 gramm keptırılgen marihuana ekenı anyqtaldy. Atalǧan derek boiynşa Qazaqstan Respublikasy QK-nıŋ 297-babynyŋ 1-bölıgımen (Esırtkı, psihotroptyq zattardy, sol tektesterdı ötkızu maqsatynda zaŋsyz daiyndau, qaita öŋdeu, iemdenu, saqtau, tasymaldau, olardy jöneltu ne ötkızu) sotqa deiıngı tergep-tekseru jūmystary jürgızılude.
«Adyrna» ūlttyq portaly
