Almaty oblysynda QHR-dan kelgen qazaqstandyqtar áleýmettik tólem alý úshin jalǵan qujattardy paıdalanǵan, - dep habarlaıdy, Tengrinews.kz tilshisi Qarjy monıtorıngi agenttigine silteme jasap.
Isti Almaty oblysy boıynsha ETD jáne Eńbekshiqazaq aýdany prokýratýrasynyń qyzmetkerleri tergegeni habarlandy. Olar QHR-dan kelgen Qazaqstan azamattaryna áleýmettik jáne zeınetaqy tólemderin alýǵa quqyq beretin jalǵan qujattardy daıyndaýmen jáne ótkizýmen aınalysatyn adamdar tobyn áshkereledi.
"Tekserý barysynda QHR-dyń túrli uıymynyń mórtańbasy men mórleriniń jalǵan bederleri, notarıýstyń móri men qoly bar notarıattyq blankiler, kesýge arnalǵan stanok jáne basqa da zattar tabyldy jáne tárkilendi. Olardyń kómegimen ártúrli jalǵan qujat jasalǵan: eńbek kitapshalary, týý týraly kýálikter jáne neke týraly kýálikter", - dep habarlady vedomstvodaǵylar.
Osy is boıynsha tergeý júrip jatyr.
Foto ashyq derekkózden kórnekilik úshin alyndy.
