Jańa ǵana bankterge baryp keldim. Birinshi JSSB-ǵa baryp, qandaı baǵdarlamalar baryn bildim. Banktegi halyqtyń jartysy men sııaqty keńes alýǵa, al jartysy esepshottarynan salymdarynyń bir bóligin sheship alýǵa tur eken. "Ee, eldiń jaǵdaıy nasharlap ketipti" dedim ishimnen.
Artynsha JSSB-nyń týra janynda bolǵan soń "Halyq bankke" kire saldym. "7-20-25" baǵdarlamasy jaıly egjeı-tegjeı eseptep berýin, talaptaryn, taǵy basqany suradym. Qysqasy bylaı.
Almaty qalasy boıynsha eń úlken sýmma 25 mln teńge, sonyń 20% óziń quıasyń, ıaǵnı ol 5 mln bolady. Sonda bank saǵan 20 mln beredi. Eger sen sol 20 mlndy 25 jyl tóleseń, aı saıyn 141356 teńge quıasyń. Bylaı qarasań aıtarlyqtaı kóp emes. Sonda 25 jylda 20 mlndy 42406800 teńge etip qaıtarasyń. 42 MLN KARL! Demek ústine 22,4 mln qosyp beresiń. Ústine bir úı qosasyń degen sóz ǵoı.
Bıik minberde otyryp, "oıbaı biz mynandaı baǵdarlama jasadyq", "oıbaı jastarǵa búıttik-sóıttik" dep saırap otyrady. Arasynda "jastar nege ketip jatyr" dep qoıatyndary da bar. Ketpegende qaıtedi, ne úıi, ne kúıi bolmasa. Áleýmettik máseleler sheshilmese, ketýshiler sany arta beredi. Jáne ol óte durys. Qur patrıotızmge qaryn toıdyryp, bala-shaǵa baǵa almaısyń.
Osyny oqyp otyrǵan depýtattar, atqaminerler bolsa "nege sonsha paıyzy kóp" dep suraı salyńdarshy, qıyn bolmasa.
Menedjer bergen paraqshada "Tutynýshylyq kredıti-árkimniń qoly jetedi" degen jazý bar. Libá, jetýin jetedi, biraq nege bir úıdi ekeý etip qaıtarý kerek. Baǵdarlamany jasaǵandardyń uıaty týa sala ólip qalǵan-aý. Halyqty súlikshe sora berý kerek qoı.
Ashat Qasenǵalı,
"Adyrna" ulttyq portaly
