18 aqpanda jańa rover Perseverance Mars betine jetti. Ǵylymı jabdyqtarmen qatar, ol Qyzyl planetaǵa mıllıondaǵan adamnyń esimderin kóshirdi, olardyń arasynda Dımash Qudaıbergen de bar, dep habarlaıdy «Adyrna» tilshisi dimashnews.com-ǵa silteme jasap.
Perseverance roveri 2020 jyldyń 30 shildesinde alys saparǵa attanyp, jeti aıdan keıin Qyzyl planetaǵa sátti qondy. Ruherald.com Fox News–ke silteme jasaı otyryp, Perseverance NASA jibergen eń tehnologııalyq jaǵynan damyǵan robot ekenin habarlaıdy.
2,7 mıllıard dollar turatyn Rover Mars kúnine ortasha eseppen 200 metrdi baǵyndyrady. Ol uzyndyǵy shamamen 2 metr manıpýlıator qolymen, burǵylaýmen jáne ǵylymı qurylǵylarmen jabdyqtalǵan, onyń ishinde joǵary ajyratymdylyqtaǵy túsirilim kamerasy, aýa-raıyn ólsheýge jáne shańdy baqylaýǵa arnalǵan sensorlar, rentgen júıesi jáne taý jynystarynyń hımııalyq quramyn ólsheýge arnalǵan kamera júıesi bar.
Sondaı-aq, Perseverance Marsqa koronavırýstyq ınfekııamen kúresken dárigerlerdiń qurmetine eskertkish taqta jáne NASA-nyń «Marsqa óz esimińdi jiber» akııasyna qatysqan 11 mıllıonǵa jýyq adamnyń aty jazylǵan tyrnaq kólemindegi úsh kremnıı chıpterin jetkizdi.
AQSh, Túrkııa, Reseıdi qosa alǵanda, túrli elderdegi Dears taqtaıshaǵa Qazaqstandyq oryndaýshy Dımash Qudaıbergenniń esimin qoıýdy usyndy.
Perseverance roveriniń Marstaǵy ejelgi ómirdiń belgilerin izdeý jáne planetanyń betin zertteý mıssııasy shamamen eki jylǵa sozylady dep kútilýde.
«Adyrna» ulttyq portaly
