Almatyda «OLIMP KZ» býkmekerlik keńsesiniń múlki tárkilendi, dep habarlaıdy «Adyrna» tilshisi. Bul týraly qala prokýratýrasy málimdedi.
«Almaly aýdandyq soty 2021 jylǵy 16 aqpanda Almaty qalasy prokýrorynyń halyqaralyq izdestirýge jarııalaǵan býkmekerlik qyzmet túrimen zańsyz oıyn bıznesi, aqsha qarajatyn shyǵarý jáne bıýdjetke salyq tóleýden jaltarý jónindegi qylmystyq shemany uıymdastyrǵan «OLIMPKZ» Býkmekerlik keńsesi» JShS basshylaryna qatysty úkim shyǵarylǵanǵa deıin múlikti tárkileý týraly ótinish hatyn qanaǵattandyrdy»,-delingen habarlamada.
Sot aktisimen 3,6 mıllıard teńge, 4 áýe kemesi jáne 3 avtokólik memleket kirisine aınaldyryldy. Sotta uıymdasqan qylmystyq toptyń qatysýshylary bul múlikti qylmystyq jolmen alǵany dáleldendi.
«Adyrna» ulttyq portaly
